ಮೆಟ್ರೊ: ನಿಲ್ದಾಣದಲ್ಲೇ ಸ್ಮಾರ್ಟ್‌ಕಾರ್ಡ್‌ ರಿಚಾರ್ಜ್‌ಗೆ ಅವಕಾಶ
ಬೆಂಗಳೂರು: ‘ನಮ್ಮ ಮೆಟ್ರೊ’ ರೈಲುಗಳಲ್ಲಿ ಸಂಚರಿಸುವವರು ನಿಲ್ದಾಣದಲ್ಲಿಯೇ ಸ್ಮಾರ್ಟ್‌ಕಾರ್ಡ್‌ ರಿಚಾರ್ಜ್‌ ಮಾಡಲು ಬೆಂಗಳೂರು ಮೆಟ್ರೊ ರೈಲು ನಿಗಮ (ಬಿಎಂಆರ್‌ಸಿಎಲ್‌) ಅವಕಾಶ ನೀಡಿದೆ.
ಮೊದಲು, ನಿಗಮದ ವೆಬ್‌ಸೈಟ್‌ (webtopup.bmrc.co.in) ಅಥವಾ ನಮ್ಮ ಮೆಟ್ರೊ ಆ್ಯಪ್ ಮೂಲಕ ಸ್ಮಾರ್ಟ್‌ಕಾರ್ಡ್‌ ರಿಚಾರ್ಜ್‌ ಮಾಡಿಕೊಳ್ಳಲು ಅವಕಾಶವಿತ್ತು. ಆದರೆ, ಕಾರ್ಡ್‌ ಬಳಸುವುದಕ್ಕೆ ಒಂದು ಗಂಟೆಯೇ ಮುಂಚೆಯೇ ಆನ್‌ಲೈನ್‌ನಲ್ಲಿ ರಿಚಾರ್ಜ್‌ ಮಾಡಿಕೊಳ್ಳಬೇಕಾಗಿತ್ತು. ಹೊಸ ಸ್ಮಾರ್ಟ್‌ಕಾರ್ಡ್‌ ಖರೀದಿಸಿದವರಿಗೆ ಮಾತ್ರ ನಿಲ್ದಾಣದಲ್ಲಿಯೇ ರಿಚಾರ್ಜ್‌ ಮಾಡಿಕೊಡಲಾಗುತ್ತಿತ್ತು. ಟೋಕನ್‌ಗಳನ್ನು ವಿತರಿಸದ ಕಾರಣ ಮತ್ತು ಈಗಾಗಲೇ ಸ್ಮಾರ್ಟ್ ಕಾರ್ಡ್‌ ಹೊಂದಿದ್ದ ಪ್ರಯಾಣಿಕರು ಈ ನಿಯಮದಿಂದ ತೊಂದರೆ ಅನುಭವಿಸಿದರು.
ದೂರುಗಳು ಕೇಳಿ ಬಂದ ನಂತರ, ಮೆಟ್ರೊ ನಿಲ್ದಾಣದಲ್ಲಿಯೇ ಸ್ಮಾರ್ಟ್‌ಕಾರ್ಡ್‌ ರಿಚಾರ್ಜ್‌ ಮಾಡಲು ನಿಗಮ ಪ್ರಾರಂಭಿಸಿದೆ. ಆದರೆ, ನಗದು ಬದಲು ‘ಡಿಜಿಟಲ್‌ ಪಾವತಿ’ ಮೂಲಕ (ಯುಪಿಐ–ಪಿಒಎಸ್‌ ಅಥವಾ ಪೇಟಿಎಂ) ಹಣ ಪಾವತಿಸಿ ರಿಚಾರ್ಜ್‌ ಮಾಡಿಕೊಳ್ಳಬೇಕಾಗುತ್ತದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.