ಅಪರಿಚಿತ ಜಾಗಕ್ಕೆ ಕರೆದೊಯ್ಯುವ ಯತ್ನ; ಚಲಿಸುವ ಆಟೊದಿಂದ ಜಿಗಿದು ಪಾರಾದ ಮಹಿಳೆ

ಬೆಂಗಳೂರು: ಬುಕ್ ಮಾಡಿದ್ದ ಜಾಗದ ಬದಲು ಆಟೊ ಚಾಲಕನೊಬ್ಬ ತಪ್ಪಾದ ಜಾಗಕ್ಕೆ ಮಹಿಳೆಯನ್ನು ಕರೆದೊಯ್ಯಲು ಯತ್ನಿಸಿದ್ದು, ಭಯಗೊಂಡ ಮಹಿಳೆ ಚಲಿಸುತ್ತಿದ್ದ ಆಟೊದಿಂದ ಜಿಗಿದು ಬಚಾವಾದ ಘಟನೆ ನಡೆದಿದೆ. ಹೆಬ್ಬಾಳದ ವೀರಣ್ಣಪಾಳ್ಯ ಬಳಿ ಗುರುವಾರ ರಾತ್ರಿ ನಡೆದಿದೆ.

ಕೆಎ 03 ಎಎಂ 89566 ನೋಂದಣಿಯ ಆಟೊ ಚಾಲಕ ಈ ಕೃತ್ಯ ಎಸಗಿದ್ದಾನೆ‌ ಎಂದು ಮಹಿಳೆ ಪತಿ ಎಕ್ಸ್ ಮಾಡಿದ್ದಾರೆ.

ಮಹಿಳೆ ಹೊರಮಾವಿನಿಂದ ಥಣಿಸಂದ್ರಕ್ಕೆ ತೆರಳಲು 'ನಮ್ಮ ಯಾತ್ರಿ' ಆ್ಯಪ್‌‌ನಲ್ಲಿ ಆಟೊ ಬುಕ್ ಮಾಡಿದ್ದರು. ಚಾಲಕ ಮಹಿಳೆಯನ್ನು ತಪ್ಪಾದ ಜಾಗಕ್ಕೆ ಕರೆದುಕೊಂಡು ಹೋಗುತ್ತಿದ್ದ. ಆಟೊ ನಿಲ್ಲಿಸಿ ಎಂದು ಕೂಗಾಡಿದರೂ ಆಟೊ ಚಾಲಕ ನಿಲ್ಲಿಸಲಿಲ್ಲ. ಚಾಲಕನ ವರ್ತನೆಯಿಂದ ಭಯಗೊಂಡು ಚಲಿಸುತ್ತಿದ್ದ ಆಟೊದಿಂದ ಜಿಗಿದು ಮನೆಗೆ ತೆರಳಿದ್ದಾರೆ.