ಶತಾಯುಷಿಗಳಾದ ಗುರು–ಶಿಷ್ಯ:ಲಿಂಗೈಕ್ಯ ಚನ್ನಬಸವ ಪಟ್ಟದ್ದೇವರಿಗೆ ಖಂಡ್ರೆ ಪಟ್ಟಶಿಷ್ಯ

ಬೀದರ್‌: ಭಾಲ್ಕಿ ಹಿರೇಮಠ ಸಂಸ್ಥಾನದ ಪೀಠಾಧಿಪತಿಯಾಗಿದ್ದ ಲಿಂಗೈಕ್ಯ ಚನ್ನಬಸವ ಪಟ್ಟದ್ದೇವರಿಗೆ ಮಾಜಿಸಚಿವ ಭೀಮಣ್ಣ ಖಂಡ್ರೆಯವರು ಪಟ್ಟ ಶಿಷ್ಯರಾಗಿದ್ದರು.

ಚನ್ನಬಸವ ಪಟ್ಟದ್ದೇವರೊಂದಿಗೆ ಧಾರ್ಮಿಕ ಕಾರ್ಯಗಳಲ್ಲದೇ ಅನೇಕ ಹೋರಾಟಗಳಲ್ಲಿ ಸಕ್ರಿಯರಾಗಿ ಪಾಲ್ಗೊಂಡಿದ್ದರು. ಬಸವಕಲ್ಯಾಣದಲ್ಲಿ ಅನುಭವ ಮಂಟಪ ನಿರ್ಮಾಣ, ಗಡಿಯಲ್ಲಿ ಕನ್ನಡ ಉಳಿಸುವ ಹೋರಾಟ, ಕರ್ನಾಟಕ ಏಕೀಕರಣ ಸೇರಿದಂತೆ ಹಲವು ಚಳವಳಿಗಳಲ್ಲಿ ಇಬ್ಬರು ಜೊತೆಯಾಗಿದ್ದರು.

ಚನ್ನಬಸವ ಪಟ್ಟದ್ದೇವರು 109ನೇ ವಯಸ್ಸಿನಲ್ಲಿ ಲಿಂಗೈಕ್ಯರಾಗಿದ್ದರು. ಅವರ ಶಿಷ್ಯರಾಗಿದ್ದ ಭೀಮಣ್ಣ ಖಂಡ್ರೆ ಅವರು 102 ವರ್ಷ ಬದುಕಿದ್ದರು. ಇಬ್ಬರು ಶತಾಯುಷಿಗಳಾಗಿರುವುದು ವಿಶೇಷ.