ಕೌಠಾ: ಸಸಿ ನೆಡುವ ಅಭಿಯಾನ

ಬೀದರ್: ವಿಶ್ವ ಪರಿಸರ ದಿನಾಚರಣೆ ನಿಮಿತ್ತ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ವತಿಯಿಂದ ಔರಾದ್ ತಾಲ್ಲೂಕಿನ ಕೌಠಾ (ಕೆ) ಗ್ರಾಮದಲ್ಲಿ ಸಸಿ ನೆಡುವ ಅಭಿಯಾನ ನಡೆಯಿತು.

ಪರಿಷತ್ ಬೀದರ್ ನಗರ ಘಟಕದ ಉಪಾಧ್ಯಕ್ಷ ನಾಗೇಶ ಬಿರಾದಾರ ಅವರ ನೇತೃತ್ವದಲ್ಲಿ ಗ್ರಾಮದ ವಿವಿಧೆಡೆ 100 ಸಸಿಗಳನ್ನು ನೆಡಸಲಾಯಿತು.

ಉತ್ತಮ ಪರಿಸರಕ್ಕಾಗಿ ಪ್ರತಿಯೊಬ್ಬರೂ ಗಿಡ ಮರಗಳನ್ನು ಬೆಳೆಸಬೇಕು ಎಂದು ಬಿರಾದಾರ ಹೇಳಿದರು.

ಪ್ರಮುಖರಾದ ಉದಯಕುಮಾರ, ಅಮರನಾಥ, ಗಣೇಶ, ರಾಜಕುಮಾರ ಮೇತ್ರೆ, ಕಂಠಯ್ಯ ಸ್ವಾಮಿ, ಸಿದ್ದು ಬಿರಾದಾರ, ಉಮೇಶ ಮಡಿವಾಳ, ಗಣೇಶ ಕೆ.ಸ್ವಾಮಿ ಇದ್ದರು.