ಮಂಗ ದಾಳಿ: ವ್ಯಕ್ತಿಗೆ ಗಾಯ

ಹುಮನಾಬಾದ್: ಪಟ್ಟಣದ ಬಿ.ಬಿ.ಬಡಾವಣೆಯಲ್ಲಿ ಮಂಗವೊಂದು ದಾಳಿ ನಡೆಸಿ ವ್ಯಕ್ತಿಯೊಬ್ಬರನ್ನು ಗಾಯಗೊಳಿಸಿದ ಘಟನೆ ಶುಕ್ರವಾರ ನಡೆದಿದೆ.

ಮುಹಮ್ಮದ್ ಗಾಯಗೊಂಡಿದ್ದು, ಪಟ್ಟಣದ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಮನೆಗೆ ತೆರಳಿದ್ದಾರೆ.‌ ಮನೆಯ ಮೇಲ್ಛಾವಣಿ ಮೇಲಿದ್ದಾಗ ಏಕಾಏಕಿ ದಾಳಿ ಮಾಡಿ ಕಚ್ಚಿದೆ ಎಂದು ಮುಹಮ್ಮದ್ ಅವರ ಸಂಬಂಧಿ ರಿಜ್ವಾನ್ ತಿಳಿಸಿದರು.

ಸಂಬಂಧಪಟ್ಟವರು ಬೇಗ ಮಂಗ ಸೆರೆ ಹಿಡಿಯಬೇಕು ಎಂದು ಆಗ್ರಹಿಸಿದ್ದಾರೆ. ಈ ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಅರಣ್ಯಾಧಿಕಾರಿ ಐಶ್ವರ್ಯ ಅವರಿಗೆ ಕರೆ ಮಾಡಿದರೆ ಸಂಪರ್ಕಕ್ಕೆ ಸಿಗಲಿಲ್ಲ.