ಬಿಜೆಪಿ ತಾಳಿ ಕಟ್ಟಿದೆ, ನಾವೀಗ ಯಡಿಯೂರಪ್ಪ ಟೀಂ: ಬಿ.ಸಿ.ಪಾಟೀಲ

ಗುಂಡ್ಲುಪೇಟೆ: ನಾವು ಈಗ ಮುಂಬೈ ಟೀಂ ಅಲ್ಲ. ಆ ಟೀಂಗೆ ಬಿಜೆಪಿ ತಾಳಿ ಕಟ್ಟಿದೆ. ನಾವೆಲ್ಲ ಯಡಿಯೂರಪ್ಪ ಟೀಂ ಎಂದು ಕೃಷಿ ಸಚಿವ ಬಿ.ಸಿ.ಪಾಟೀಲ ಹೇಳಿದರು.

ಖಾತೆ ಹಂಚಿಕೆ ಬಗ್ಗೆ ಉಂಟಾಗಿರುವ ಅಸಮಾಧಾನದ ಬಗ್ಗೆ ಕೇಳಿದ್ದಕ್ಕೆ, 'ಕೈಯಲ್ಲಿ ಐದು ಬೆರಳು ಒಂದೇ ಸಮನಾಗಿ ಇಲ್ಲ. ಅದೇ ರೀತಿ ಖಾತೆ ಹಂಚಿಕೆಯಲ್ಲಿ ಸಣ್ಣ ಪುಟ್ಟ ವ್ಯತ್ಯಾಸಗಳು ಆಗಿವೆ. ಕೆಲವು ಸಚಿವರಿಗೆ ಹಂಚಿಕೆಯಾದ ಖಾತೆಯಲ್ಲಿ ಅಸಮಾಧಾನ ಇದೆ. ಹೀಗಾಗಿ ಖಾತೆ ಹಂಚಿಕೆಯಾದ 24 ಗಂಟೆಯಲ್ಲಿ ಖಾತೆ ಮರು ಹಂಚಿಕೆ ಮಾಡಲಾಗಿದೆ' ಎಂದರು .

'ಇನ್ನೆರಡು ದಿನಗಳಲ್ಲಿ ಮುಖ್ಯಮಂತ್ರಿ ಅವರು ಎಲ್ಲ ಸಮಸ್ಯೆ ಬಗೆಹರಿಸುತ್ತಾರೆ' ಎಂದು ಹೇಳಿದರು.