ಚಾಮರಾಜನಗರ | ಬಿರುಸಿನ ಮಳೆ: ತಂಪಾದ ಇಳೆ

ಚಾಮರಾಜನಗರ: ಗುರುವಾರ ರಾತ್ರಿ ಚಾಮರಾಜನಗರ ಸೇರಿದಂತೆ ಹಲವೆಡೆ ಬಿರುಸಾಗಿ ಮಳೆ ಸುರಿಯಿತು. ಬಿಸಿಲಿನ ಬೇಗೆಗೆ ಕಂಗೆಟ್ಟಿದ್ದ ಜನತೆಗೆ ಮಳೆ ತಂಪಿನ ಅನುಭವ ನೀಡಿತು.

ಬೆಳಿಗ್ಗಿನಿಂದ ಸಂಜೆಯವರೆಗೂ ಬಿಸಿಲಿನ ವಾತಾವರಣವಿದ್ದು ರಾ‌ತ್ರಿ ಹೊತ್ತಿಗೆ ದಟ್ಟ ಮೋಡ ಕವಿದು ಒಂದು ತಾಸಿಗೂ ಹೆಚ್ಚಿನ ಕಾಲ ಮಳೆಯಾಯಿತು. ಚಾಮರಾಜನಗರ ಹಾಗೂ ಸಂತೇಮರಹಳ್ಳಿಯಲ್ಲಿ ಬಿರುಸಿನ ಮಳೆ ಸುರಿದರೆ ಯಳಂದೂರು ತಾಲ್ಲೂಕಿನ ಸುತ್ತಮುತ್ತ ತುಂತುರು ಮಳೆಯಾಯಿತು