ಕೊಳ್ಳೇಗಾಲ| ನಗರಸಭೆಯ ನೀರಿನಲ್ಲಿ ಹುಳು: ದೂರು

ಕೊಳ್ಳೇಗಾಲ: ಇಲ್ಲಿನ ಮುಡಿಗುಂಡದ ನಾಯಕರ ಹೊಸ ಬಡಾವಣೆಯಲ್ಲಿ  7 ಮನೆಗಳ ಕುಡಿಯುವ ನೀರಿನಲ್ಲಿ ಹುಳುಗಳು ಪತ್ತೆಯಾಗಿವೆ  ಎಂದು ಅಲ್ಲಿನವರು ದೂರಿದ್ದಾರೆ.

ಬಡಾವಣೆಯ ನಿವಾಸಿ ಲಿಂಗರಾಜು, ಮಂಗಳಮ್ಮ, ಗಾಯತ್ರಿ, ಉಮಾ, ರತ್ನಮ್ಮ, ನೇತ್ರ, ಲಕ್ಷ್ಮಮ್ಮ, ರಾಣಿ ಎಂಬುವರು ತಮ್ಮ ಮನೆಗಳಿಗೆ ಸರಬರಾಜಾಗುವ ಕುಡಿಯುವ ನೀರಿನಲ್ಲಿ ಒಂದು ವಾರಗಳಿಂದಲೂ ಹುಳುಗಳು  ಬರುತ್ತಿದೆ ಎಂದು ದೂರಿದ್ದಾರೆ.

‘ನಗರಸಭೆ ಅಧಿಕಾರಿಗಳಿಗೆ ಮಾಹಿತಿ ನೀಡಿದರೂ ಅಧಿಕಾರಿಗಳು ಸ್ಪಂದಿಸಿಲ್ಲ. ಅಧಿಕಾರಿಗಳಿಗೆ ನೀರಿನಲ್ಲಿ ಹುಳು ಇರುವ ಫೋಟೋವನ್ನು ಹಾಕಿದರೂ  ಉತ್ತರಿಸುತ್ತಿಲ್. ಈಗ ಕುಡಿಯಲು ನೀರು ತೆಗೆದುಕೊಳ್ಳಲು ಭಯ ವಾಗಿದೆ. ಇದರ ಬಗ್ಗೆ ಗಮನ ಹರಿಸಿ ನಲ್ಲಿಯನ್ನು ಸರಿಪಡಿಸಬೇಕು’ ಎಂದು ಬಡಾವಣೆಯ ನಿವಾಸಿಗಳು ಪ್ರಜಾವಾಣಿಗೆ ತಿಳಿಸಿದರು.