ಗುಂಡ್ಲುಪೇಟೆ: ಹುಲಿ ಮೃತದೇಹ ಪತ್ತೆ, ಹಲವು ಅನುಮಾನ 

ಗುಂಡ್ಲುಪೇಟೆ: ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದ ಮೇಲುಕಾಮನಹಳ್ಳಿ ಬಳಿಯ ಜಂಗಲ್ ಲಾಡ್ಜ್ ಬಳಿ ಹುಲಿಯ ಕಳೆಬರ ಪತ್ತೆ ಯಾಗಿದೆ.

ವಾಹನ ಡಿಕ್ಕಿ ಹೊಡೆದಿರಬಹುದು ಅಥವಾ ಮುಳ್ಳು ಹಂದಿ ದಾಳಿಯಿಂದ ಹುಲಿ ಮೃತಪಟ್ಟಿರಬಹುದು ಎಂದು ಅರಣ್ಯಾಧಿಕಾರಿಗಳು ಅನುಮಾನ ವ್ಯಕ್ತಪಡಿಸಿದ್ದಾರೆ.

ಅನುಮಾನಕ್ಕೆ ಆಸ್ಪದ ನೀಡುವಂತೆ ರಸ್ತೆಯ ಬಳಿ ಹುಲಿಯ ಉಗುರಿನಿಂದ ಪರಚಿರುವ ಗುರುತು ಮತ್ತು ಹುಲಿ ಕೂದಲು ರಸ್ತೆಗೆ ಅಂಟಿಕೊಂಡಿದೆ.

ಸ್ಥಳಕ್ಕೆ ಆರ್‌ಎಫ್ಓ ಶ್ರೀನಿವಾಸ್, ಸಹಾಯಕ ಅರಣ್ಯ ಸಂಕ್ಷಣಾಧಿಕಾರಿ ರವಿಕುಮಾರ್ ಭೇಟಿ ನೀಡಿ ಪರಿಶೀಲನೆ ನಡರಸಿದರು.

ಹುಲಿಯನ್ನು ನೋಡಲು ನೂರಾರು ಜನರು ಸ್ಥಳದಲ್ಲಿ ಸೇರಿದ್ದಾರೆ.