ದಾವಣಗೆರೆ: ಗ್ರಾಮ ಪಂಚಾಯತ್ ಚುನಾವಣೆ, ಉತ್ತಮ ಮತದಾನ

ದಾವಣಗೆರೆ: ಜಿಲ್ಲೆಯ ವಿವಿಧ ಗ್ರಾಮ ಪಂಚಾಯಿತಿಗಳಿಗೆ ಸೋಮವಾರ ನಡೆದ ಉಪ ಚುನಾವಣೆಯಲ್ಲಿ ಉತ್ತಮ ಮತದಾನವಾಗಿದೆ.

ದಾವಣಗೆರೆ ತಾಲ್ಲೂಕು ದೊಡ್ಡಬಾತಿ ಗ್ರಾಮ ಪಂಚಾಯಿತಿಯ 5ನೇ ವಾರ್ಡ್‌ಗೆ ನಡೆದ ಮತದಾನದಲ್ಲಿ ಶೇ 80.15ರಷ್ಟು ಮಂದಿ ಹಕ್ಕು ಚಲಾಯಿಸಿದ್ದಾರೆ.

ಚನ್ನಗಿರಿ ತಾಲ್ಲೂಕಿನ ತಣಿಗೆರೆ ಗ್ರಾಮ ಪಂಚಾಯಿತಿಯ ಮರಡಿ ವಾರ್ಡ್‌ಗೆ ಸಂಬಂಧಪಟ್ಟಂತೆ ಶೇ 89.13ರಷ್ಟು ಮತದಾನವಾಗಿದೆ.

ಕರೇಕಟ್ಟೆ ಗ್ರಾಮ ಪಂಚಾಯಿತಿಯ ಕರೇಕಟ್ಟೆ 2ನೇ ವಾರ್ಡ್‌ಗೆ ಶೇ 73.99 ಮತ ಚಲಾವಣೆಯಾಗಿದೆ. ಅಗರಬನ್ನಿಹಟ್ಟಿ ಪಂಚಾಯಿತಿಯ ಅಗರಬನ್ನಿಹಟ್ಟಿ 1ನೇ ವಾರ್ಡ್‌ಗೆ 80.03 ಮತದಾನವಾಗಿದೆ.

ನ್ಯಾಮತಿ ತಾಲ್ಲೂಕಿನ ವಡಯರಹತ್ತೂರು ಪಂಚಾಯಿತಿಯ ಕೂಗೋನಹಳ್ಳಿ ವಾರ್ಡ್‌ಗೆ 82.02 ಮತದಾನವಾಗಿದೆ.

ಮಾಯಕೊಂಡದಲ್ಲಿ ಕಡಿಮೆ ಮತದಾನ: ಮಾಯಕೊಂಡ ಗ್ರಾಮ ಪಂಚಾಯಿತಿಯ ಆರು ಕ್ಷೇತ್ರಗಳಿಗೆ ನಡೆದ ಮತದಾನದಲ್ಲಿ ಮತದಾರರು ಉತ್ತಮ ಸ್ಪಂದನೆ ನೀಡಿಲ್ಲ. ಶೇ 63.14ರಷ್ಟು ಮತ ಚಲಾವಣೆಯಾಗಿದೆ.