ಸಂತೇಬೆನ್ನೂರು: ಗುಂಡಿ ಬಿದ್ದ ಕೆರೆ ಏರಿ ರಸ್ತೆ, ಓಡಾಟ ದುಸ್ತರ

ಸಂತೇಬೆನ್ನೂರು: ಇಲ್ಲಿನ ಐತಿಹಾಸಿಕ ಕೆರೆ ಏರಿಯ ರಸ್ತೆಯಲ್ಲಿ ಗುಂಡಿಗಳು ಉಂಟಾಗಿದ್ದು, ಸಾರ್ವಜನಿಕರ ಓಡಾಟಕ್ಕೆ ತೀವ್ರ ಅಡ್ಡಿಯಾಗಿದೆ.

ಕೆರೆ ದುರಸ್ತಿ ಸಂದರ್ಭದಲ್ಲಿ ಕೆರೆ ಏರಿಯ ರಸ್ತೆಗೆ ಜಲ್ಲಿ ಹಾಕಿ ಮೆಟ್ಲಿಂಗ್ ಮಾಡಲಾಗಿತ್ತು. ಮೆಟ್ಲಿಂಗ್ ಮೇಲೆ ಹೆಚ್ಚುವರಿ ಮಣ್ಣು ಸುರಿದು ಸಮತಟ್ಟು ಮಾಡಲಾಗಿತ್ತು. ಕಳೆದ ವರ್ಷದ ಮಳೆಗಾಲದಲ್ಲಿ ಇದು ಕೆಸರಿನ ಗದ್ದೆಯಂತಾಗಿ ಓಡಾಟವೇ ದುಸ್ತರವಾಗಿತ್ತು.