ಯೂಟ್ಯೂಬ್‌ ಲೈಕ್‌ ಮಾಡಿ ಅಧಿಕ ಹಣ ಗಳಿಸಿ ಎಂದು ₹2.67 ಲಕ್ಷ ವಂಚನೆ

ಹುಬ್ಬಳ್ಳಿ: ಯೂಟ್ಯೂಬ್‌ ಲೈಕ್‌ ಮಾಡಿ ಹೆಚ್ಚಿನ ಹಣ ಗಳಿಸಬಹುದು ಎಂದು ಇಂದಿರಾನಗರದ ಶಿವ ಚನ್ನಕೇಶ್ವರ ಅವರ ವಾಟ್ಸ್‌ಆ್ಯಪ್‌ಗೆ ಸಂದೇಶ ಕಳುಹಿಸಿದ ವ್ಯಕ್ತಿ, ಅವರಿಂದ ₹2.67 ಲಕ್ಷ ಹೂಡಿಕೆ ಮಾಡಿಸಿಕೊಂಡು ವಂಚಿಸಿದ್ದಾನೆ.

ಲೈಕ್‌ ಮಾಡಿರುವ ಯೂಟ್ಯೂಬ್‌ ಒಂದು ವಿಡಿಯೊಗೆ ಮೊದಲು ₹150 ವರ್ಗಾಯಿಸಿ ನಂಬಿಕೆ ಗಳಿಸಿದ್ದ. ನಂತರ ಹೆಚ್ಚು ಹಣ ಹೂಡಿಕೆ ಮಾಡಿದರೆ, ಹೆಚ್ಚು ಲಾಭ ಪಡೆಯಬಹುದು ಎಂದು ಹಣ ವರ್ಗಾಯಿಸಿಕೊಂಡು ವಂಚಿಸಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಸೈಬರ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.