ಸಾರಿಗೆ ಸೌಲಭ್ಯ: ಧಾರವಾಡ – ಅಳ್ನಾವರ – ಕಕ್ಕೇರಿ ಬಸ್ ಸೌಲಭ್ಯ

ಅಳ್ನಾವರ: ‘ಖಾನಾಪೂರ ತಾಲ್ಲೂಕಿನ ಶ್ರೀಕ್ಷೇತ್ರ ಕಕ್ಕೇರಿಯ ಬಿಷ್ಟಮ್ಮ ದೇವಿ ದೇವಸ್ಥಾನಕ್ಕೆ ತೆರಳುವ ಭಕ್ತರಿಗೆ ಅನುಕೂಲ ಕಲ್ಪಿಸುವ ಉದ್ದೇಶದಿಂದ ಧಾರವಾಡ- ಅಳ್ನಾವರ ಮಾರ್ಗವಾಗಿ ಕಕ್ಕೇರಿಗೆ ನೂತನ ಸಾರಿಗೆ ಬಸ್‌ ಆರಂಭಿಸಲಾಗಿದ್ದು, ಭಕ್ತರು ಸದುಪಯೊಗ ಪಡೆದುಕೊಳ್ಳಬೇಕು‘ ಎಂದು ತಾಲ್ಲೂಕು ಗ್ಯಾರಂಟಿ ಯೋಜನೆ ಅನುಷ್ಠಾನ ಸಮಿತಿಯ ಅಧ್ಯಕ್ಷ ವಿನಾಯಕ ಕುರುಬರ ಹೇಳಿದರು.

ಇಲ್ಲಿನ ಬಸ್ ನಿಲ್ದಾಣದಲ್ಲಿ ಶನಿವಾರ ನಡೆದ ಬಸ್ ಸೇವೆಯ ಪೂಜಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಭಕ್ತರ  ಬೇಡಿಕೆಗೆ ಸ್ಪಂದಿಸಿ, ಮೇಲಾಧಿಕಾರಿಯ ಗಮನಕ್ಕೆ ತಂದು ಈ ಬಸ್‌ ಸೌಲಭ್ಯಕ್ಕೆ ಕಲ್ಪಿಸಲಾಗಿದೆ’ ಎಂದರು. 

ಪ್ರತಿ ದಿನ ಮಧ್ಯಾಹ್ನ 12 ಗಂಟೆಗೆ ಈ ಬಸ್ ಧಾರವಾಡದಿಂದ ಹೊರಡುವುದು ಎಂದರು.

ರಾಜೇಶ ಪನ್ನಾಳಕರ, ಸತ್ತಾರ ಬಾತಖಂಡೆ, ಚಾಲಕ, ನಿರ್ವಾಹಕ ಸಿಬ್ಬಂದಿ ಉಪಸ್ಥಿತರಿದ್ದರು.