ಲಕ್ಷ್ಮೇಶ್ವರ | ಹಣಕಾಸಿನ ವಿಷಯಕ್ಕೆ ಜಗಳ: ತಂದೆಯನ್ನು ಕೊಂದ ಮಗ

ಲಕ್ಷ್ಮೇಶ್ವರ (ಗದಗ ಜಿಲ್ಲೆ): ತಾಲ್ಲೂಕಿನ ಗೋವನಾಳ ಗ್ರಾಮದಲ್ಲಿ ಹಣದ ವಿಷಯ ಕುರಿತ ಜಗಳ ತಾರಕಕ್ಕೇರಿ ಮಗನೇ ತಂದೆಯನ್ನು ಕೊಂದು ಪೊಲೀಸರಿಗೆ ಶರಣಾಗಿದ್ದಾನೆ. 

ಶಂಕರಗೌಡ ದ್ಯಾವನಗೌಡ್ರ (56) ಮೃತರು. ಇವರ ಪುತ್ರ ಪ್ರಭು ದ್ಯಾವನಗೌಡ್ರ (24) ಆರೋಪಿ. ಜಮೀನನ್ನು ಬೇರೆಯವರಿಗೆ ಉಳುಮೆಗೆ ಕೊಟ್ಟಿದ್ದ ಹಣದ ವಿಷಯಕ್ಕೆ ಕುಡಿದ ಮತ್ತಿನಲ್ಲಿ ಇಬ್ಬರ ನಡುವೆ ನಡೆದ ಜಗಳ ಕೊಲೆಯಲ್ಲಿ ಅಂತ್ಯವಾಗಿದೆ’ ಎಂದು ಲಕ್ಷ್ಮೇಶ್ವರ ಠಾಣೆ ಪೊಲೀಸರು ತಿಳಿಸಿದ್ದಾರೆ.