ಹೊಳೆನರಸೀಪುರ: ಅಪರಿಚಿತ ಮಹಿಳೆ ಶವಪತ್ತೆ

ಹೊಳೆನರಸೀಪುರ: ತಾಲ್ಲೂಕಿನ ಮಾರಗೌಡನಹಳ್ಳಿ ಸಮೀಪ ಬುಧವಾರ ಅಪರಿಚಿತ ಮಹಿಳೆಯ ಶವ ಹೇಮಾವತಿ ನದಿಯಲ್ಲಿ ಪತ್ತೆ ಆಗಿದೆ.

ಮಹಿಳೆಗೆ 50 ರಿಂದ 55 ವರ್ಷ ವಯಸ್ಸಾಗಿದ್ದು, ಕೆಂಪುಬಣ್ಣದ ಹೂವಿನ ಚಿತ್ರ ಇರುವ ಸೀರೆ, ಹಸಿರು ಹಾಗೂ ಚಿನ್ನದ ಬಣ್ಣದ ರವಿಕೆ ಧರಿಸಿದ್ದಾರೆ. ಇವರು ಐದಾರು ದಿನಗಳಹಿಂದೆ ನದಿಗೆ ಬಿದ್ದಿರ ಬಹುದೆಂದು ಪೊಲೀಸರು ಅಂದಾಜಿಸಿದ್ದಾರೆ. ಶವ ಪತ್ತೆ ಮಾಡಲು ಸಾಧ್ಯ ಇಲ್ಲದಷ್ಟು ಕೊಳೆತು ಹೋಗಿದೆ. ಯಾರಾದರು ವಾರಾಸುದಾರರು ಇದ್ದಲ್ಲಿ ಹೊಳೆನರಸೀಪುರ ಗ್ರಾಮಾಂತರ ಪೊಲೀಸ್ ಠಾಣೆಯನ್ನು ಸಂಪರ್ಕಿಸಲು ತಿಳಿಸಿದ್ದಾರೆ.