ಮನೆ ಕಳ್ಳತನ: ಬಾಲಕ ವಶಕ್ಕೆ 

ಬ್ಯಾಡಗಿ: ತಾಲ್ಲೂಕಿನ ಕದರಮಂಡಲಗಿ ಗ್ರಾಮದಲ್ಲಿ ಕಳೆದ ಜ.8ರಂದು ಮನೆ ಕಳ್ಳತನ ಮಾಡಿದ್ದ ಆರೋಪಿ ಬಾಲಕನನ್ನು ಇಲ್ಲಿಯ ಪೊಲೀಸ್‌ರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ. ‌

ಆರೋಪಿ ಮನೆ ಬೀಗ ಮುರಿದು ₹13.75ಲಕ್ಷ ಮೌಲ್ಯದ ಚಿನ್ನಾಭರಣ ಹಾಗೂ ನಗದು ಕಳ್ಳತನ ಮಾಡಿದ್ದ ಎನ್ನಲಾಗಿದೆ.

ಈ ಪೈಕಿ 111 ಗ್ರಾಂ ಚಿನ್ನಾಭರಣ 355 ಗ್ರಾಂ ಬೆಳ್ಳಿ ಹಾಗೂ ₹44,800 ನಗದು ವಶಪಡಿಸಿಕೊಳ್ಳಲಾಗಿದೆ. ಆರೋಪಿ ಬಾಲಕ ನಿತ್ಯದ ಶೋಕಿ ಹಾಗೂ ಇನ್ನಿತರ ಚಟಗಳಿಗಾಗಿ ಕಳ್ಳತನ ಮಾಡಿರುವುದಾಗಿ ವಿಚಾರಣೆ ವೇಳೆ ಹೇಳಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.