ಕಲಬುರ್ಗಿ: ನಗರವೂ ಸೇರಿದಂತೆ ಜಿಲ್ಲೆಯ ವಿವಿಧೆಡೆ ಬುಧವಾರ ರಾತ್ರಿ ಹಾಗೂ ಗುರುವಾರ ಬೆಳಗಿನ ಜಾವ ಭಾರಿ ಮಳೆಯಾಗಿದೆ.
ಕಾಳಗಿ ತಾಲ್ಲೂಕಿನ ಕೋಡ್ಲಿ ಗ್ರಾಮದಲ್ಲಿ 108.4 ಮಿ.ಮಿ. ದಾಖಲೆಯ ಮಳೆ ಸುರಿದಿದೆ. ಇಷ್ಟೊಂದು ಪ್ರಮಾಣದ ಮಳೆ ಕಳೆದ ಸೆಪ್ಟೆಂಬರ್ ನಲ್ಲಿ ಸುರಿದಿತ್ತು.
ಚಿಂಚೋಳಿ ತಾಲ್ಲೂಕಿನ ಚಿಮ್ಮನಚೋಡದಲ್ಲಿ 68.2 ಮಿ.ಮೀ, ಸುಲೇಪೇಟದಲ್ಲಿ 16.4 ಮಿ.ಮೀ, ಚಿಂಚೋಳಿ 13 ಮಿ.ಮೀ, ಐನಾಪುರ 6.8 ಮಿ.ಮೀ, 6.3 ನಿಡಗುಂದಾ ಮಿ.ಮೀ ಮಳೆಯಾಗಿದೆ.
ಮಳೆಯಿಂದ ರೈತರು ಸಂತಸಗೊಂಡಿದ್ದು ತಾಲ್ಲೂಕಿನಲ್ಲಿ ಮುಂಗಾರು ಕೃಷಿ ಚಟುವಟಿಕೆ ಚುರುಕು ಪಡೆಯಲಿವೆ. ಗುಡುಗು, ಮಿಂಚಿನೊಂದಿಗೆ ಸುರಿದ ರೋಹಿಣಿ ಮಳೆ ರೌದ್ರಾವತಾರ ತೋರಿದ್ದು ಮೊದಲ ಮಳೆಗೇ ಹೊಳೆಗಳು ತುಂಬಿ ಹರಿದವು.
ಮಳೆಯಿಂದ ಹೊಲಗಳು ತೊಯ್ದು ತೊಪ್ಪೆಯಾಗಿವೆ. ರಸ್ತೆಗಳು ಕೆಸರು ಕೊಚ್ಚೆಯಾಗಿವೆ. ಚರಂಡಿಗಳು ತುಂಬಿ ಹರಿದಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.