ಕುಷ್ಟಗಿ| ಬೈಕ್‌ ಮಗುಚಿ ಕೆಡಿಪಿ ಸದಸ್ಯ ಸಾವು

ಕುಷ್ಟಗಿ: ಪಟ್ಟಣದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಶನಿವಾರ ಬೆಳಿಗ್ಗೆ ಬೈಕ್‌ ಮಗುಚಿ ಗಾಯಗೊಂಡಿದ್ದ ಪಟ್ಟಣದ ನಿವಾಸಿ ಹಾಗೂ ತ್ರೈಮಾಸಿಕ ಕೆಡಿಪಿ ಸದಸ್ಯ ಸಿದ್ದನಗೌಡ ದೊಡ್ಡನಗೌಡ ಪಾಟೀಲ (50) ಮೃತಪಟ್ಟಿದ್ದಾರೆ. 

ಹಂದಿ ಅಡ್ಡಬಂದಿದ್ದರಿಂದ ಬೈಕ್‌ ಮಗುಚಿ ಬಿದ್ದಿತ್ತು. ಈ ಕುರಿತ ಪ್ರಕರಣ ಇಲ್ಲಿಯ ಪೊಲೀಸ್‌ ಠಾಣೆಯಲ್ಲಿ ದಾಖಲಾಗಿದೆ.

ಮೃತರಿಗೆ ಪತ್ನಿ, ಪುತ್ರ ಹಾಗೂ ಇಬ್ಬರು ಪುತ್ರಿಯರು ಇದ್ದಾರೆ. ಸ್ವಗ್ರಾಮ ತಳುವಗೇರಾದಲ್ಲಿ ಶನಿವಾರ ಸಂಜೆ ಅಂತ್ಯಕ್ರಿಯೆ ನಡೆಯಿತು ಎಂದು ಕುಟುಂಬದ ಮೂಲಗಳು ತಿಳಿಸಿವೆ.