ಕುಕನೂರು | ಆಕಸ್ಮಿಕ ಬೆಂಕಿ; ಕಡಲೆ ಬೆಳೆ ನಾಶ

ಕುಕನೂರು: ತಾಲ್ಲೂಕಿನ ಬಳಗೇರಿ ಗ್ರಾಮದ ರಾಮಪ್ಪ ಹೊಂಬಾಳೆ ಎಂಬುವರಿಗೆ ಸೇರಿದ ಕಡಲೆ ಬೆಳೆ ಹಾಗೂ ಹೊಟ್ಟು ಆಕಸ್ಮಿಕ ಬೆಂಕಿಗೆ ಸುಟ್ಟು ಕರುಕಲಾಗಿದೆ.

4 ಎಕರೆ ಕಡಲೆ ಬೆಳೆಯಲ್ಲಿ ₹65 ಸಾವಿರ ಅಂದಾಜು ಕಡಲೆ ಬೆಳೆ ಹಾಗೂ ₹30 ಸಾವಿರ ಕಡಲೆ ಹೊಟ್ಟು ಸುಟ್ಟು ಕರುಕಲಾಗಿದೆ.

ಸರಿಯಾದ ಸಮಯಕ್ಕೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ಹೆಚ್ಚಿನ ಅನಾಹುತವಾಗುವುದನ್ನು ತಪ್ಪಿಸಿದ್ದಾರೆ.

ಅಗ್ನಿ ಅವಘಡದಲ್ಲಿ ಗಂಗಮ್ಮ ಹೊಂಬಾಳ್ ಎಂಬುವರಿಗೆ ಬಲಗೈ ಹಾಗೂ ಬಲ ಮುಖ ಗಾಯಗೊಂಡಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.