ಕೆ.ಆರ್.ಪೇಟೆ | ಬೆಂಕಿ: ಸುಟ್ಟು ಕರಕಲಾದ 3 ಎಕರೆ ಕಬ್ಬು

ಕೆ.ಆರ್.ಪೇಟೆ: ತಾಲ್ಲೂಕಿನ ಮತ್ತಿಕೆರೆ ಗ್ರಾಮದ ಹೊರವಲಯದಲ್ಲಿ ಕಬ್ಬಿಗೆ ಕಿಡಿಗೇಡಿಗಳು ಬೆಂಕಿ ಹಚ್ಚಿದ್ದು, 6 ಲಕ್ಷಕ್ಕೂ ಹೆಚ್ಚು ಮೌಲ್ಯದ 200 ಟನ್ ಅಧಿಕ ಕಬ್ಬು ಬೆಳೆ ನಾಶವಾಗಿದೆ.

ರೈತ ಮುದುಗೆರೆ ಮಂಜು ಅವರಿಗೆ ಸೇರಿದ 3 ಎಕರೆಯಲ್ಲಿ ಫಸಲು ಹಾಳಾಗಿದೆ. ಸ್ಥಳಕ್ಕೆ ಬಂದ ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಿದ್ದಾರೆ.

ಘಟನೆಯಿಂದ ಸಂಕಷ್ಟಕ್ಕೆ ಸಿಲುಕಿರುವ ರೈತ ಕುಟುಂಬಕ್ಕೆ ಸೂಕ್ತ ಪರಿಹಾರ ನೀಡಬೇಕು ಎಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ