ಕಾವೇರಿ ನದಿಯಲ್ಲಿ ನೀರು ನಾಯಿಗಳು ಪ್ರತ್ಯಕ್ಷ

ಶ್ರೀರಂಗ‍ಪಟ್ಟಣ: ಇಲ್ಲಿನ ಕಾವೇರಿ ನದಿಯಲ್ಲಿ ಅಳಿವಿನ ಅಂಚಿನಲ್ಲಿರುವ ನೀರು ನಾಯಿಗಳು ಮಂಗಳವಾರ ಗೋಚರಿಸಿದವು.

ಪಟ್ಟಣದ ವೆಲ್ಲೆಸ್ಲಿ ಸೇತುವೆಯ ಪೂರ್ವ ಭಾಗದಲ್ಲಿ ನೀರಿನಲ್ಲಿ ಈಜಾಡುತ್ತಿದ್ದ ಈ ನೀರು ನಾಯಿಗಳನ್ನು ಜನರು ಕುತೂಹಲದಿಂದ ವೀಕ್ಷಿಸಿದರು. ಏಳೆಂಟು ನೀರು ನಾಯಿಗಳ ಗುಂಪು ನದಿಯ ಮೇಲ್ಮುಖವಾಗಿ ಈಜುತ್ತಾ ಬಂದವು.

ನೀರಿನಲ್ಲಿ ಮುಳುಗೇಳುತ್ತಾ ಚಿನ್ನಾಟವಾಡುತ್ತಿದ್ದುದನ್ನು ಕಂಡು ಜನರು ಖುಷಿಪಟ್ಟರು. ಕೆಲವರು ಮೊಬೈಲ್‌ಗಳಲ್ಲಿ ಫೋಟೊ ಕ್ಲಿಕ್ಕಿಸಿಕೊಂಡರು.