ಹಲಗೂರು: ಮನೆಯ ಬೀಗ ಮುರಿದು ಚಿನ್ನಾಭರಣ, ನಗದು ಕಳ್ಳತನ

ಹಲಗೂರು: ಸಮೀಪದ ಹಾಡ್ಲಿ ಗ್ರಾಮದ ರತ್ನಮ್ಮ ಕೋಂ. ಲಿಂಗರಾಜು ಅವರ ಮನೆಯಲ್ಲಿ ಕಳ್ಳರು ಮನೆಯ ಬೀಗ ಹೊಡೆದು ನಗದು ಮತ್ತು ಚಿನ್ನಾಭರಣಗಳನ್ನು ದೋಚಿದ್ದಾರೆ.

ಫೆ.18ರಂದು ರತ್ನಮ್ಮ ಅವರು ತಮ್ಮ ತವರು ಮನೆಯಾದ ಮಾಗನೂರಿಗೆ ತೆರಳಿದ್ದರು. ಫೆ.22ರಂದು ಮಧ್ಯಾಹ್ನ ಮನೆಗೆ ವಾಪಸ್ಸಾದಾಗ ಕಳ್ಳತನ ಮಾಡಿರುವುದು ಗೊತ್ತಾಗಿದೆ.

ಮನೆಯಲ್ಲಿ ಯಾರೂ ಇಲ್ಲದ ಸಮಯ ನೋಡಿ ಹೊಂಚು ಹಾಕಿರುವ ಕಳ್ಳರು ಮನೆಯಲ್ಲಿದ್ದ ₹55 ಸಾವಿರ ನಗದು, 3 ಗ್ರಾಂ. ಚಿನ್ನಾಭರಣ, ಎರಡು ಬೆಳ್ಳಿ ಬಟ್ಟಲು, ಒಂದು ದೇವಿಯ ಮುಖವಾಡ ಕಳ್ಳತನ ಮಾಡಿ ಪರಾರಿಯಾಗಿದ್ದಾರೆ.

ಈ ಸಂಬಂಧ ಹಲಗೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.