Mysuru Dasara: ವೇಷ ಧರಿಸಿ ಹಣ ಬೇಡುತ್ತಿದ್ದ 10 ಮಕ್ಕಳ ರಕ್ಷಣೆ

ಮೈಸೂರು: ದಸರಾದಲ್ಲಿ ವೇಷ ಧರಿಸಿ ಸಾರ್ವಜನಿಕರಿಂದ ಹಣ ಪಡೆಯುತ್ತಿದ್ದ 7 ಬಾಲಕರು ಹಾಗೂ 3 ಬಾಲಕಿಯರನ್ನು ಮಕ್ಕಳ ವಿಶೇಷ ಪೊಲೀಸ್ ಘಟಕ, ಚಾಮುಂಡಿ ಮಹಿಳಾ ರಕ್ಷಣಾ ಪಡೆ, ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ ಹಾಗೂ ಮಕ್ಕಳ ಸಹಾಯವಾಣಿ ಅಧಿಕಾರಿಗಳು ರಕ್ಷಿಸಿದ್ದಾರೆ.

‘ಪ್ರಮುಖ ಸ್ಥಳಗಳಲ್ಲಿ ನಿಂತು ಹಣ ಪಡೆಯುತ್ತಿದ್ದ ಮಕ್ಕಳನ್ನು ರಕ್ಷಿಸಲಾಗಿದೆ.

ಬಾಲಕರನ್ನು ಬಾಲ ಮಂದಿರಕ್ಕೆ, ಬಾಲಕಿಯರನ್ನು ಬಾಲಕಿಯರ ಬಾಲಮಂದಿರಕ್ಕೆ ಹಾಗೂ ಇಬ್ಬರು ತಾಯಂದಿರ ಜೊತೆ ಮಕ್ಕಳನ್ನು ಶ್ರೀ ಸೇವಾನಿಕೇತನ ಸಂಸ್ಥೆಗೆ ಸೇರಿಸಲಾಗಿದೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.