ಪಿರಿಯಾಪಟ್ಟಣ: ಕೋಳಿ ಮಾಂಸ ಹೆಚ್ಚು ತಿಂದಿದ್ದಕ್ಕೆ ಜಗಳ; ಬಾಲಕನ ಕೊಲೆ

ಪಿರಿಯಾಪಟ್ಟಣ (ಮೈಸೂರು ಜಿಲ್ಲೆ): ತಾಲ್ಲೂಕಿನ ಹಳೆಕೆರೆ ಗಿರಿಜನರ ಹಾಡಿಯಲ್ಲಿ ಊಟ ಮಾಡುವಾಗ ಕೋಳಿ ಮಾಂಸವನ್ನು ಹೆಚ್ಚು ತಿಂದ ಎನ್ನುವ ವಿಚಾರಕ್ಕೆ ಇಬ್ಬರು ಬಾಲಕರ ನಡುವೆ ಜಗಳ ನಡೆದಿದೆ. ಈ ವೇಳೆ ಒಬ್ಬ ಮಚ್ಚಿನಿಂದ ಇನ್ನೊಬ್ಬನ ತಲೆಗೆ ಹೊಡೆದು ಹತ್ಯೆ ಮಾಡಿದ್ದಾನೆ.  

ಹಳೆಕೆರೆ ಹಾಡಿಯ ನಿವಾಸಿ ದಿಲೀಪ ಮೃತ ಬಾಲಕ ಎಂದು ಗುರುತಿಸಲಾಗಿದೆ. ಈತ ಸುರೇಶ್ ಮತ್ತು ಸಂಗೀತಾ ಎಂಬುವವರ ಮಗ. ಈ ದಂಪತಿ ಕೊಡಗು ಹಾಗೂ ಸಕಲೇಶಪುರದ ತೋಟಗಳಲ್ಲಿ ಕೆಲಸ ಮಾಡುವವರಾಗಿದ್ದಾರೆ. ಪಿರಿಯಾಪಟ್ಟಣ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.