ಲಿಂಗಸುಗೂರು: ಕಾಲು ತೊಳೆದುಕೊಳ್ಳಲು ಹೋಗಿ ಕಾಲುವೆ ಪಾಲಾದ ಇಬ್ಬರು ಮಹಿಳೆಯರು

ಲಿಂಗಸುಗೂರು: ತಾಲ್ಲೂಕಿನ ಆನಾಹೊಸೂರು ಗ್ರಾಮದ ಬಳಿಯ ಬಲದಂಡೆ ಕಾಲುವೆಯಲ್ಲಿ ಬುಧವಾರ ಕಾಲು ತೊಳೆದುಕೊಳ್ಳಲು ಹೋಗಿದ್ದ ಇಬ್ಬರು ಮಹಿಳೆಯರು ಜಾರಿ ಬಿದ್ದು ಮೃತಪಟ್ಟಿದ್ದಾರೆ. 

ಮಸ್ಕಿ ತಾಲ್ಲೂಕಿನ ನಂಜಲದಿನ್ನಿ ಗ್ರಾಮದ ದೇವಮ್ಮ ದುರುಗಪ್ಪ ಪೂಜಾರಿ(30),  ಈರಮ್ಮ ವೆಂಕಟೇಶ(40) ಮೃತಪಟ್ಟವರು.

ತಾಲ್ಲೂಕಿನ ಆನಾಹೊಸೂರು ಗ್ರಾಮದಲ್ಲಿ ಭತ್ತ ನಾಟಿ ಕೂಲಿ ಮುಗಿಸಿಕೊಂಡು ವಾಪಸ್‌ ತಮ್ಮ ಊರಿಗೆ ಹೋಗುವಾಗ ಮಾರ್ಗಮಧ್ಯೆದಲ್ಲಿ ಕೈ-ಕಾಲು ತೊಳೆಯಲು ದೇವಮ್ಮ ಕಾಲುವೆಗೆ ಇಳಿಯುವಾಗ ಜಾರಿ ಬಿದ್ದಿದ್ದಾರೆ. ಆಕೆಯನ್ನು ಹಿಡಿದುಕೊಳ್ಳಲು ಹೋದಾಗ ಈರಮ್ಮನೂ ಜಾರಿ ಕಾಲುವೆಗೆ ಬಿದ್ದಾರೆ. 

ಈ ಕುರಿತು ಪಟ್ಟಣದ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.