ರಾಯಚೂರು: ಜಾಲಹಳ್ಳಿ ಸಂಪೂರ್ಣ ಬಂದ್, ತಾಲ್ಲೂಕು ಘೋಷಣೆಗೆ ಒತ್ತಾಯ

ಜಾಲಹಳ್ಳಿ (ರಾಯಚೂರು): ದೇವದುರ್ಗ ತಾಲ್ಲೂಕಿನ ಜಾಲಹಳ್ಳಿಯನ್ನು ನೂತನ ತಾಲ್ಲೂಕಾಗಿ ಘೋಷಿಸಬೇಕೇಂದು ಒತ್ತಾಯಿಸಿ ಬುಧವಾರ ಬಂದ್ ಆಚರಿಸಲಾಗುತ್ತಿದೆ.

ಜಾಲಹಳ್ಳಿಯಲ್ಲಿ ಎಲ್ಲ ಅಂಗಡಿಗಳನ್ನು ವ್ಯಾಪಾರಿಗಳು ಬಂದ್ ಮಾಡಿಕೊಂಡಿದ್ದಾರೆ.

ಅರಕೇರಾ ಹೊಸ ತಾಲ್ಲೂಕು ಘೋಷಣೆ ಬಳಿಕ ಅಸಮಾಧಾನ ಭುಗಿಲೆದ್ದಿದೆ. ದೇವದುರ್ಗದಲ್ಲಿಯೇ ಅತಿಹೆಚ್ಚು ಜನಸಂಖ್ಯೆ ಹೊಂದಿದ್ದರೂ ಜಾಲಹಳ್ಳಿ ಹೋಬಳಿ ಕೇಂದ್ರವನ್ನು ಪಟ್ಟಣ ಪಂಚಾಯಿತಿ ಮಾಡಿಲ್ಲ. ತಾಲ್ಲೂಕು ಕೇಂದ್ರವಾಗಲು ಎಲ್ಲ ರೀತಿಯ ಅರ್ಹತೆ ಇದೆ. ಕೂಡಲೇ ಹೊಸ ತಾಲ್ಲೂಕಾಗಿ ಘೋಷಿಸಬೇಕು ಎಂದು ಜಾಲಹಳ್ಳಿ ತಾಲ್ಲೂಕು ಹೋರಾಟ ಸಮಿತಿ ಒತ್ತಾಯಿಸಿದೆ.