ರಾಯಚೂರು: ಖಾಸಗಿ ವಾಹನಗಳಿಂದ ಪ್ರಯಾಣಿಕರ ಸುಲಿಗೆ!

ರಾಯಚೂರು: ಸರ್ಕಾರಿ ಬಸ್ಗಳ ಸಂಚಾರ ಸ್ಥಗಿತವನ್ನು ಅವಕಾಶ ಮಾಡಿಕೊಂಡಿರುವ ಖಾಸಗಿ ವಾಹನದಾರರು, ಪ್ರಯಾಣಿಕರಿಂದ ದುಪ್ಪಟ್ಟು ಹಣ ವಸೂಲಿ ಮಾಡುತ್ತಿವೆ.

ಆಟೊಗಳು ಕೂಡಾ ಬಸ್ ಪ್ರಯಾಣ ದರಕ್ಕಿಂತ ಆರು ಪಟ್ಟು ಹೆಚ್ಚು ಹಣ ಕೇಳುತ್ತಿದ್ದಾರೆ. ರಾಯಚೂರಿನಿಂದ 25 ಕಿಲೋ ಮೀಟರ್ ದೂರದ ಕಲ್ಲೂರಿಗೆ ₹27 ಬಸ್ ಪ್ರಯಾಣ ದರವಿದೆ. ಆಟೊದವರು ₹400 ಕೇಳುತ್ತಿದ್ದಾರೆ. 50 ಕಿಲೋ ಮೀಟರ್‌ ದೂರವಿರುವ ಮಾನ್ವಿಗೆ ತೆರಳಲು ಖಾಸಗಿ ವಾಹನದಾರರು ₹120 ಕೇಳುತ್ತಿದ್ದಾರೆ.

ಪೂರ್ವ ಮಾಹಿತಿಯಿಲ್ಲದೆ ಬಸ್ ನಿಲ್ದಾಣಕ್ಕೆ ಬಂದಿರುವ ಪ್ರಯಾಣಿಕರು ಹಾಗೂ ಬೆಳಿಗ್ಗೆ ಸರ್ಕಾರಿ ಬಸ್ ಮೂಲಕ ವಿವಿಧ ಕಡೆಯಿಂದ ರಾಯಚೂರಿಗೆ ಬಂದಿರುವವರು ತೊಂದರೆ ಅನುಭವಿಸುತ್ತಿದ್ದಾರೆ. ದುಬಾರಿ ಪ್ರಯಾಣ ದರ ಭರಿಸಲು ಸಾಧ್ಯವಾಗದವರ ಸಂಕಷ್ಟ ಪಡುತ್ತಿದ್ದಾರೆ.