ಶಿರಾ | ವೃದ್ಧೆ ಸಾವು: ಕೊಲೆ ಶಂಕೆ

ಶಿರಾ: ತಾಲ್ಲೂಕಿನ ಬುಕ್ಕಾಪಟ್ಟಣ ಹೋಬಳಿ ಜೋಗಯ್ಯನ ಪಾಳ್ಯದಲ್ಲಿ ಭಾನುವಾರ ಬೆಳಿಗ್ಗೆ ನಿರ್ಮಾಣ ಹಂತದ ಮನೆ ಮುಂದೆ ಮದ್ದಮ್ಮ (70) ಅವರ ಶವ ಪತ್ತೆಯಾಗಿದೆ.

ಜೋಗಯ್ಯನಪಾಳ್ಯದ ಬೈರಣ್ಣ ಅವರ ಪತ್ನಿ ಮದ್ದಮ್ಮ ಅವರು ಗ್ರಾಮದಲ್ಲಿ ಶನಿವಾರ ನಡೆದ ದೇವರ ಉತ್ಸವದಲ್ಲಿ ಓಡಾಡಿಕೊಂಡಿದ್ದರು. ಬೆಳಿಗ್ಗೆ ಶವವಾಗಿರುವುದು ಗ್ರಾಮಸ್ಥರಲ್ಲಿ ಅನುಮಾನಕ್ಕೆ‌ ಕಾರಣವಾಗಿದೆ. ಇದು ಕೊಲೆ‌ ಇರಬಹುದು ಎಂದು ಗ್ರಾಮಸ್ಥರು ಶಂಕಿಸಿದ್ದಾರೆ. ಮಹಿಳೆಯ ಮೇಲೆ ಇದ್ದ ಚಿನ್ನದ ಸರ ಸಹ ನಾಪತ್ತೆಯಾಗಿದೆ.

ಶಿರಾ ನಗರ ಠಾಣೆ ಪೊಲೀಸರು ಸ್ಥಳಕ್ಕೆ ಬಂದು ಪ್ರಕರಣ ದಾಖಲಿಸಿಕೊಂಡು ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.