ಶಿರಾ ತಾಲ್ಲೂಕಿನ ಮಾಗೋಡು ಗೊಲ್ಲರಹಟ್ಟಿ ಈಗ ಹಾಟ್‌ಸ್ಪಾಟ್‌

ಶಿರಾ: ತಾಲ್ಲೂಕಿನ ಮಾಗೋಡು ಗೊಲ್ಲರಹಟ್ಟಿಯಲ್ಲಿ ಕೋವಿಡ್‌ ಪ್ರಕರಣಗಳು ಹೆಚ್ಚುತ್ತಿರುವುದರಿಂದ ಹಾಟ್‌ಸ್ಪಾಟ್ ಎಂದು ಘೋಷಿಸಿ, ಅಗತ್ಯ ಕ್ರಮ ಕೈಗೊಳ್ಳಲಾಗಿದೆ.

ಗ್ರಾಮಸ್ಥರು ಕೋವಿಡ್ ಕೇರ್ ಸೆಂಟರ್‌ಗೆ ದಾಖಲಾಗಲು ಹಿಂದೇಟು ಹಾಕಿದಾಗ ಶಾಸಕ ಡಾ.ಸಿ.ಎಂ. ರಾಜೇಶ್ ಗೌಡ ಗ್ರಾಮಕ್ಕೆ ತೆರಳಿ ಸೋಂಕಿತರ ಮನವೊಲಿಸಿದರು. ಸೋಂಕು ದೃಢಪಟ್ಟಿದ್ದ 8 ಮಂದಿಯನ್ನು ಶನಿವಾರ ಸಂಜೆ ಕೋವಿಡ್ ಕೇರ್ ಸೆಂಟರ್‌ಗೆ ದಾಖಲಿಸಿದರು. ಉಳಿದವರು ಗ್ರಾಮದಲ್ಲಿಯೇ ಇದ್ದಾರೆ. ಈಗಾಗಲೇ 4 ಮಂದಿ ಗುಣವಾಗಿದ್ದಾರೆ.

ಆಶಾ ಕಾರ್ಯಕರ್ತೆಯರು ಸೋಂಕಿತರ ಆರೋಗ್ಯ ಪರೀಕ್ಷಿಸುತ್ತಿದ್ದು, ಮಾತ್ರೆ ನೀಡಲಾಗಿದೆ.