ದಾಂಡೇಲಿ | ಪುನೀತ್‌ ರಾಜಕುಮಾರ ಜನ್ಮದಿನ: ಅನ್ನಸಂತರ್ಪಣೆ

ದಾಂಡೇಲಿ: ನಗರದ ಪುನೀತ್ ರಾಜಕುಮಾರ ಅಭಿಮಾನಿಗಳ ಸಂಘದ ವತಿಯಿಂದ ಚನ್ನಮ್ಮ ವೃತ್ತದಲ್ಲಿ ಸೋಮವಾರ ಪುನೀತ್‌ ರಾಜಕುಮಾರ ಅವರ 50ನೇ ವರ್ಷ ಜನ್ಮದಿನಾಚರಣೆಯನ್ನು ಕೇಕ್ ಕತ್ತರಿಸುವ ಮೂಲಕ ಆಚರಿಸಲಾಯಿತು.

ಪುನೀತ್‌ ರಾಜಕುಮಾರ ಅಭಿಮಾನಿಗಳ ಸಂಘದ ಅಧ್ಯಕ್ಷ ಮಂಜು ಮುಳುಗುಂದ ಮಾತನಾಡಿ, ‘ನಾಲ್ಕು ವರ್ಷಗಳಿಂದ ಪುನೀತ್ ರಾಜಕುಮಾರ್ ಅವರ ಜನ್ಮದಿನ ಆಚರಿಸುತ್ತಿದ್ದೇವೆ. ಅವರು ಇಲ್ಲದೇ ಚಂದನವನದಲ್ಲಿ ನಗು ಮಾಯವಾಗಿದೆ’ ಎಂದರು.

ಸ್ಥಳೀಯ ಕಲಾವಿದರಿಂದ ಕರೋಕೆ ರಸಮಂಜರಿ ಕಾರ್ಯಕ್ರಮ ಹಾಗೂ ಸಾರ್ವಜನಿಕರಿಗೆ ಅನ್ನ ಸಂತರ್ಪಣೆ, ಮಜ್ಜಿಗೆ ವಿತರಣೆ ಕಾರ್ಯಕ್ರಮವು ನಡೆಯಿತು.

ಸಂಘದ ಉಪಾಧ್ಯಕ್ಷ ಮುಸ್ತಫಾ ಸನದಿ, ಕಾರ್ಯದರ್ಶಿ ಶಿವಾನಂದ ಕಾಂಬ್ಳೆ , ಖಜಾಂಚಿ ಉದಯಸಿಂಗ ಹಂಚಿನಾಳ, ಸದಸ್ಯರಾದ ಮೋಹನ್, ಸಾಗರ, ವೆಂಕಟೇಶ್ ಅಶೋಕ, ಮುಸ್ತಫಾ, ಕಿರಣ ಇದ್ದರು.