ಡ್ರಗ್ಸ್‌ ಲೋಕದ ಕರಾಳ ಕಥೆ ಹೇಳಿದ್ದ ನಟ ಡ್ರಗ್ಸ್‌ ವ್ಯಸನಕ್ಕೆ ಬಲಿ!
ನ್ಯೂಯಾರ್ಕ್: ನಟ ಹಾಗೂ ಅಮೆರಿಕ ಟೆಲಿವಿಷನ್ ಲೋಕದ ತಾರೆ ಮಿಚೆಲ್ ಕೆ ವಿಲಿಯಮ್ಸ್ (54) ಸೋಮವಾರ ನಿಧನರಾಗಿದ್ದಾರೆ.
‘ನ್ಯೂಯಾರ್ಕ್‌ನ ಬ್ರೂಕ್‌ಲಿನ್ ಪೆಂಟಾಹೌಸ್‌ನ ಅಪಾರ್ಟಮೆಂಟ್‌ನಲ್ಲಿ ಅವರ ಶವ ಪತ್ತೆಯಾಗಿದ್ದು, ಅತಿಯಾದ ಮಾದಕವಸ್ತು ಸೇವನೆ ಸಾವಿಗೆ ಕಾರಣವಾಗಿರಬಹುದು. ಈ ನಿಟ್ಟಿನಲ್ಲಿ ತನಿಖೆ ನಡೆಯುತ್ತಿದೆ’ಎಂದು ನ್ಯೂಯಾರ್ಕ್ ಪೊಲೀಸ್ ತಿಳಿಸಿದ್ದಾರೆ.
ಎಚ್‌ಬಿಓದಲ್ಲಿ ಪ್ರಸಾರವಾಗುತ್ತಿದ್ದ ಅಮೆರಿಕದ ಕರಾಳ ಮಾದಕ ಜಾಲದ ಬಗೆಗಿನ ‘ದಿ ವೈರ್‌‘ ಧಾರಾವಾಹಿಯಲ್ಲಿ ‘ಓಮರ್ ಲಿಟಲ್‘ ಪಾತ್ರದಲ್ಲಿ ಮಿಚೆಲ್ ಕೆ ವಿಲಿಯಮ್ಸ್ ಮಿಂಚಿದ್ದರು. ಅದರಲ್ಲಿ ಅವರು ನಿರ್ವಹಿಸಿದ್ದ ಡ್ರಗ್ ಡೀಲರ್‌ ಪಾತ್ರ ಅವರಿಗೆ ಖ್ಯಾತಿ ತಂದು ಕೊಟ್ಟಿತ್ತು. ಇದೀಗ ಡ್ರಗ್ ವ್ಯಸನದಿಂದಲೇ ಅವರು ಪ್ರಾಣ ಕಳೆದುಕೊಂಡಿದ್ದಾರೆ ಎನ್ನಲಾಗಿದೆ.
ಕಳೆದ ಎರಡು ದಶಕಗಳಿಂದ ಅಮೆರಿಕದ ಟೆಲಿವಿಷನ್ ಲೋಕದಲ್ಲಿ ಮಿಂಚಿದ್ದ ಮಿಚೆಲ್, 12ಇಯರ್ಸ್‌ ಸ್ಲೇವ್, ಅಸ್ಸಾಸಿಯೇಷನ್ಸ್ ಕ್ರೀಡ್‌ನಂತಹ ಬಾಲಿವುಡ್‌ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.