ಇನ್ನೈದು ತಿಂಗಳು ನಿಲ್ಲುವಂತಿಲ್ಲ.. ನಡೆಯುವಂತಿಲ್ಲ!: ನೋವು ಬಿಚ್ಚಿಟ್ಟ ನಟಿ ಯಶಿಕಾ

ಬೆಂಗಳೂರು: ನಾನಿನ್ನು ಕನಿಷ್ಠ ಐದು ತಿಂಗಳು ನಡೆದಾಡುವಂತಿಲ್ಲ, ಸರಿಯಾಗಿ ಎದ್ದು ನಿಲ್ಲುವಂತಿಲ್ಲ.. ಅಷ್ಟೊಂದು ಗಾಯಗಳಾಗಿದ್ದು, ಚೇತರಿಸಿಕೊಳ್ಳಬೇಕಿದೆ ಎಂದು ನಟಿ ಯಶಿಕಾ ಆನಂದ್ ಹೇಳಿದ್ದಾರೆ.

ದಕ್ಷಿಣ ಚಿತ್ರರಂಗದ ನಟಿ ಯಶಿಕಾ ಆನಂದ್ ಅವರ ಕಾರು ಚೆನ್ನೈನ ಈಸ್ಟ್ ಕೋಸ್ಟ್ ರಸ್ತೆಯಲ್ಲಿ ಜುಲೈ 24ರಂದು ಅಪಘಾತಕ್ಕೆ ಈಡಾಗಿತ್ತು. ವೇಗದಲ್ಲಿ ಸಾಗುತ್ತಿದ್ದ ಕಾರು ಡಿವೈಡರ್‌ಗೆ ಡಿಕ್ಕಿ ಹೊಡೆದು, ಮಗುಚಿಬಿದ್ದಿತ್ತು. ಕಾರಿನಲ್ಲಿ ಯಶಿಕಾ ಜತೆಯಿದ್ದ ಅವರ ಗೆಳತಿ ಸಾವನ್ನಪ್ಪಿದ್ದರು. ಅದಾದ ಬಳಿಕ ನಟಿ ಯಶಿಕಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಮನೆಗೆ ಮರಳಿದ್ದಾರೆ.

ನಾನು ಕಪ್ಪೆಯಂತೆ ಕಾಣಿಸುತ್ತೇನೆ.. ನೀವು ಯಾವ ಪ್ರಾಣಿ?: ರಾಧಿಕಾ ಅಪ್ಟೆ

ನಟಿ ಯಶಿಕಾ ಅವರು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಈ ಬಗ್ಗೆ ಬರೆದುಕೊಂಡಿದ್ದು, ನಾನೀಗ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಗಾಯಗೊಂಡಿದ್ದೇನೆ. ಬೆನ್ನಿನ ಮೂಳೆ ಮತ್ತು ಬಲಗಾಲು ಸರ್ಜರಿ ಬಳಿಕ ಚೇತರಿಸಿಕೊಳ್ಳುತ್ತಿದ್ದೇನೆ, ಏನಿಲ್ಲವೆಂದರೂ, ಕನಿಷ್ಠ ಐದು ತಿಂಗಳು ಬೆಡ್‌ನಲ್ಲಿಯೇ ಇರಬೇಕಾದ ಸ್ಥಿತಿ ಎದುರಾಗಿದೆ. ಇದೊಂದು ಪುನರ್ಜನ್ಮವೇ ಆಗಿದೆ ಎಂದು ಹೇಳಿದ್ದು, ಗೆಳತಿಯನ್ನು ಕಳೆದುಕೊಂಡಿದ್ದಕ್ಕೆ ವಿಷಾದ ವ್ಯಕ್ತಪಡಿಸಿದ್ದಾರೆ.

ನಗು, ಕನಸು ಮತ್ತು ಬೆಳಕು: ಪ್ರವಾಸದ ಚಿತ್ರ ಹಂಚಿಕೊಂಡ ಆಲಿಯಾ ಭಟ್