ಪ್ರಶಾಂತ್ ನೀಲ್ ನಿರ್ದೇಶನದ ‘ಕೆಜಿಎಫ್–2’ ಚಿತ್ರದ ತಾರಾಬಳಗಕ್ಕೆ ರವೀನಾ ಟಂಡನ್ ಅವರ ಪ್ರವೇಶ ಆಗಿದೆ. ಈ ವಿಚಾರವನ್ನು ಪ್ರಶಾಂತ್ ಅವರೇ ಹಂಚಿಕೊಂಡಿದ್ದಾರೆ.
ತಾವು ರವೀನಾ ಜೊತೆ ಇರುವ ಚಿತ್ರವನ್ನು ಟ್ವಿಟರ್ ಮೂಲಕ ಹಂಚಿಕೊಂಡಿರುವ ಪ್ರಶಾಂತ್ ಅವರು, ‘ಡೆತ್ ವಾರಂಟ್ ಹೊರಡಿಸುವ ಮಹಿಳೆ ಬಂದಿದ್ದಾರೆ! ರವೀನಾ ಟಂಡನ್ ಅವರಿಗೆ ಬೆಚ್ಚಗಿನ ಸ್ವಾಗತ’ ಎಂದು ಬರೆದಿದ್ದಾರೆ.
ಕೆಜಿಎಫ್–2 ಚಿತ್ರದಲ್ಲಿ ರವೀನಾ ಅವರು ರಮಿಕಾ ಸೆನ್ ಎನ್ನುವ ಪೊಲೀಸ್ ಅಧಿಕಾರಿಯ ಪಾತ್ರ ನಿಭಾಯಿಸಲಿದ್ದಾರೆ ಎನ್ನಲಾಗಿದೆ. ನಟ ಸಂಜಯ್ ದತ್ ಅವರು ಇದರಲ್ಲಿ ಅಧೀರನ ಪಾತ್ರ ನಿಭಾಯಿಸಲಿದ್ದಾರೆ.
ಕನ್ನಡದಲ್ಲಿ ರವೀನಾ ಅವರು ಈ ಹಿಂದೆ ಉಪೇಂದ್ರ ನಿರ್ದೇಶನದ ‘ಉಪೇಂದ್ರ’ ಚಿತ್ರದಲ್ಲಿ ಅಭಿನಯಿಸಿದ್ದರು. ಈಗ ಕೆಜಿಎಫ್–2 ಚಿತ್ರದ ಮೂಲಕ ‘ಮೊಹ್ರಾ’ದ ಮಸ್ತ್ ಮಸ್ತ್ ಹುಡುಗಿ ಮತ್ತೆ ಕನ್ನಡ ಹಿರಿತೆರೆಗೆ ಬಂದಂತೆ ಆಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.