ಗೋವಿಂದ ಜತೆಗಿನ ಪುನರ್‌ಮಿಲನದ ಫೋಟೋ ಹಂಚಿಕೊಂಡ ರವೀನಾ ಟಂಡನ್
ಬೆಂಗಳೂರು: ಬಹಳಷ್ಟು ಸಿನಿಮಾಗಳಲ್ಲಿ ಜತೆಯಾಗಿ ನಟಿಸಿದ್ದ ಬಾಲಿವುಡ್‌ನ ಪ್ರಮುಖ ನಟ ಗೋವಿಂದ ಮತ್ತು ನಟಿ ರವೀನಾ ಟಂಡನ್ ಈಗ ಪುನರ್‌ಮಿಲನದ ಮೂಲಕ ಸುದ್ದಿಯಾಗಿದ್ದಾರೆ.
90ರ ದಶಕದಲ್ಲಿ ಈ ಜೋಡಿ ಬಾಲಿವುಡ್‌ನಲ್ಲಿ ಹೆಚ್ಚು ಪ್ರಸಿದ್ಧಿಯಲ್ಲಿತ್ತು. ನಟ ಗೋವಿಂದ ಜತೆಗಿನ ಸೆಲ್ಫಿ ಒಂದನ್ನು ನಟಿ ರವೀನಾ ಟಂಡನ್ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಿ, ಅಂದಿನ ದಿನಗಳನ್ನು ಅಭಿಮಾನಿಗಳಿಗೆ ಮತ್ತೆ ನೆನಪಿಸಿದ್ದಾರೆ.
ಅಲ್ಲದೆ, ಮತ್ತೆ ನಾವಿಬ್ಬರೂ ಜತೆಯಾಗಿ ತೆರೆಯ ಮೇಲೆ ಕಾಣಿಸಿಕೊಳ್ಳಲಿದ್ದೇವೆ, ಎಲ್ಲಿ? ಯಾವಾಗ? ಏನು ಎನ್ನುವುದನ್ನು ಕಾದು ನೋಡಿ ಎಂದು ರವೀನಾ ಟಂಡನ್ ಹೇಳಿರುವುದು ಗೋವಿಂದ ಹಾಗೂ ನಟಿಯ ಅಭಿಮಾನಿಗಳು ಕಾತರದಿಂದ ಕಾಯುವಂತೆ ಮಾಡಿದೆ.
ಆಂಟಿ ನಂ.1, ದುಲ್ಹೆ ರಾಜಾ, ಬಡೇ ಮಿಯಾನ್ ಛೋಟೇ ಮಿಯಾನ್, ಅನಾರಿ ನಂ.1 ಸಹಿತ ಹಲವು ಸಿನಿಮಾಗಳಲ್ಲಿ ನಟ ಗೋವಿಂದ ಮತ್ತು ನಟಿ ರವೀನಾ ಟಂಡನ್ ಜತೆಯಾಗಿ ಕಾಣಿಸಿಕೊಂಡಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.