‘ಥ್ಯಾಂಕ್ಯೂ ಬ್ರದರ್’ ಚಿತ್ರದ ಮೋಷನ್‌ ಪೋಸ್ಟರ್‌ ಬಿಡುಗಡೆ ಮಾಡಿದ ಮಹೇಶ್‌ ಬಾಬು

ಹೈದರಾಬಾದ್‌: ತೆಲುಗು ನಟ ಮಹೇಶ್‌ ಬಾಬು ಅವರು ‘ಥ್ಯಾಂಕ್ಯೂ ಬದ್ರರ್‌’ ಚಿತ್ರದ ಮೋಷನ್‌ ಪೋಸ್ಟರ್‌ ಅನ್ನು ಬಿಡುಗಡೆ ಮಾಡಿದ್ದಾರೆ.

ರಮೇಶ್‌ ರಾಪರ್ತಿ ನಿರ್ದೇಶನದ ಈ ಚಿತ್ರದಲ್ಲಿ ಅನುಸುಯಾ ಭಾರದ್ವಾಜ್‌ ಮತ್ತು ವಿರಾಜ್‌ ಅಶ್ವಿನ್‌ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಗುರುವಾರ ಬೆಳಿಗ್ಗೆ ಟ್ವಿಟರ್‌ನಲ್ಲಿ ಪೋಸ್ಟರ್‌ ಬಿಡುಗಡೆ ಮಾಡಿರುವ ಮಹೇಶ್‌ ಬಾಬು, ‘ಚಿತ್ರ ನೋಡಲು ಎದುರು ನೋಡುತ್ತಿದ್ದೇನೆ. ಚಿತ್ರತಂಡಕ್ಕೆ ಶುಭವಾಗಲಿ’ ಎಂದು ಬರೆದುಕೊಂಡಿದ್ದಾರೆ.

ಚಿತ್ರದಲ್ಲಿ ಮೌನಿಕಾ ರೆಡ್ಡಿ, ಅನೀಶ್‌ ಕುರುವಿಲ್ಲಾ, ಅರ್ಚನಾ ಅನಂತ್‌, ವಿವಾ ಹರ್ಷ, ಅನ್ನಪೂರ್ಣಮ್ಮ ಮತ್ತು ಆದರ್ಶ್‌ ಬಾಲಕೃಷ್ಣ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.