ಪ್ರಿಯಕರನ ಹುಟ್ಟುಹಬ್ಬಕ್ಕೆ ₹ 25 ಲಕ್ಷ ಖರ್ಚು ಮಾಡಿದ ನಟಿ ನಯನತಾರಾ!
ದಕ್ಷಿಣ ಭಾರತದ ಖ್ಯಾತಿ ನಟಿ ನಯನತಾರಾ ದಕ್ಷಿಣದಲ್ಲೇ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟಿ ಎಂಬುದು ಎಲ್ಲರಿಗೂ ತಿಳಿದಿರುವ ವಿಷಯ. ತಮ್ಮ ಸಂಭಾವನೆಗೆ ತಕ್ಕ ಹಾಗೆ ಆಡಂಬರದ ಜೀವನಶೈಲಿಯನ್ನೂ ರೂಢಿಸಿಕೊಂಡಿದ್ದಾರೆ ಈ ನಟಿ. ಪ್ರವಾಸ ಮಾಡುವುದು ಇವರ ನೆಚ್ಚಿನ ಹವ್ಯಾಸ. ಈಕೆ ಇತ್ತೀಚೆಗೆ ತಮ್ಮ ಪ್ರಿಯಕರ ವಿಘ್ನೇಶ್ ಶಿವನ್‌ ಜೊತೆ ಗೋವಾದಲ್ಲಿ ಕಾಣಿಸಿಕೊಂಡಿದ್ದರು.
ಅದರಲ್ಲೇನು ವಿಶೇಷ ಎನ್ನುತ್ತೀರಾ? ಮೂರು ದಿನದ ಗೋವಾ ಟ್ರಿಪ್‌ಗೆ ಆಕೆ ಖರ್ಚು ಮಾಡಿದ್ದು ಬರೋಬ್ಬರಿ ₹25 ಲಕ್ಷ. ಸದ್ಯ ಕಾಲಿವುಡ್‌ನಲ್ಲಿ ಇದು ಬಿಸಿಸುದ್ದಿಯಾಗಿದೆ. ತಮ್ಮ ಪ್ರಿಯಕರ ವಿಘ್ನೇಶ್ ಹುಟ್ಟುಹಬ್ಬಕ್ಕೆ ಇಷ್ಟೊಂದು ಹಣ ವ್ಯಯಿಸಿದ್ದಾರೆ ಈ ನಟಿ ಎನ್ನಲಾಗುತ್ತಿದೆ.
ಕಳೆದೆರಡು ವರ್ಷಗಳಿಂದ ಈ ಜೋಡಿ ತಮ್ಮ ಹುಟ್ಟುಹಬ್ಬವನ್ನು ವಿದೇಶಗಳಲ್ಲಿ ಆಚರಿಸಿಕೊಳ್ಳುತ್ತಿತ್ತು. ಆದರೆ ಕೋವಿಡ್‌–19 ಕಾರಣದಿಂದ ವಿಘ್ನೇಶ್ 35ನೇ ವರ್ಷದ ಹುಟ್ಟುಹಬ್ಬವನ್ನು ಗೋವಾದಲ್ಲಿ ಆಚರಿಸಿದ್ದಾರೆ ನಯನತಾರಾ.
ವಿಘ್ನೇಶ್ ಶಿವನ್‌ ನಿರ್ದೇಶನದ ಮುಂದಿನ ಸಿನಿಮಾದಲ್ಲಿ ನಯನಾತಾರಾ ನಟಿಸಿದ್ದು ಸಿನಿಮಾಕ್ಕೆ ಆಕೆ ಹಣ ಹೂಡಿಕೆ ಮಾಡಲಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.