‘ಓಸ್ಲೋ: ಎ ಟೇಲ್ ಆಫ್ ಎ ಪ್ರಾಮಿಸ್’ : ಐಎಫ್‌ಎಫ್‌ಐನಲ್ಲಿ ಮೊದಲ ಪ್ರದರ್ಶನ
ನವದೆಹಲಿ: 'ಓಸ್ಲೋ: ಎ ಟೇಲ್ ಆಫ್ ಎ ಪ್ರಾಮಿಸ್' ಸಾಕ್ಷ್ಯ ಚಿತ್ರವು ಬಿಡುಗಡೆಗೂ ಮುನ್ನ ಗೋವಾದಲ್ಲಿ ನಡೆಯುವ 56 ನೇ ಭಾರತೀಯ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ (ಐಎಫ್‌ಎಫ್‌ಐ) ತೆರೆ ಕಾಣಲಿದೆ.
‘ಓಸ್ಲೋ: ಎ ಟೈಲ್ ಆಫ್ ಪ್ರಾಮಿಸ್‘ ಸಾಕ್ಷ್ಯ ಚಿತ್ರವನ್ನು ಇಶಾ ಪುಂಗಲಿಯಾ ನಿರ್ದೇಶಿಸಿದ್ದರೆ, ಅಬ್ರಹಾಂ ಪ್ರಸ್ತುತಪಡಿಸಿದ್ದಾರೆ. ಜೆಎ ಎಂಟರ್‌ಟೈನ್‌ಮೆಂಟ್, ಪ್ರೊಟೆಕ್ಟೆರಾ ಇಕೋಲಾಜಿಕಲ್ ಫೌಂಡೇಶನ್ ಮತ್ತು ವಾನರ್ ನಿರ್ಮಿತ್ ಅವರ ಸಹಭಾಗಿತ್ವದಲ್ಲಿ ನಿರ್ಮಾಣವಾಗಿದೆ.
ಪ್ರಾಣಿಗಳಿಗೂ ಮನುಷ್ಯರ ನಡುವಿನ ಉತ್ತಮ ಬಾಂಧವ್ಯದ ಕುರಿತ ಸಾಕ್ಷ್ಯ ಚಿತ್ರ ಇದಾಗಿದೆ.
ಈ ಬಗ್ಗೆ ಪ್ರಾಣಿಗಳ ಪರ ಹೋರಾಟಗಾರ, ನಟ ಜಾನ್‌ ಅಬ್ರಹಾಂ ಅವರು, ‘ಮೂಕ ಪ್ರಾಣಿಗಳು ನಮ್ಮ ನಡುವೆ ಇರಬೇಕು. ಅವುಗಳು ಮನುಷ್ಯರಿಂದ ಏನನ್ನೂ ಬಯಸದೆ ಪ್ರೀತಿ ನೀಡುತ್ತವೆ. ‘ಓಸ್ಲೋ: ಎ ಟೈಲ್ ಆಫ್ ಪ್ರಾಮಿಸ್' ಸತ್ಯಕ್ಕೆ ಹತ್ತಿರವಾದ ಸಾಕ್ಷ್ಯಚಿತ್ರ ಆಗಿದೆ. ಐಎಫ್‌ಎಫ್‌ಐನಲ್ಲಿ ಮೊದಲು ಪ್ರದರ್ಶನಗೊಳ್ಳಲು ಅವಕಾಶ ನೀಡಿದಕ್ಕೆ ನಾನು ಕೃತಜ್ಞನಾಗಿದ್ದೇನೆ' ಎಂದಿದ್ದಾರೆ.
ಐಎಫ್‌ಎಫ್‌ಐನ ಅತ್ಯಂತ ಪ್ರತಿಷ್ಠಿತ ರಾಷ್ಟ್ರೀಯ ವೇದಿಕೆಯಲ್ಲಿ ದೇಶಾದ್ಯಂತ 25 ಚಲನಚಿತ್ರಗಳು ಮತ್ತು 20 ನಾನ್-ಫೀಚರ್ ಚಿತ್ರಗಳನ್ನು ಪ್ರತಿ ವರ್ಷ ಆಯ್ಕೆ ಮಾಡುತ್ತದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.