ರಜಿನಿ ಐಕಾನಿಕ್ ನಡಿಗೆ ಅನುಕರಿಸಿದ ರಿಷಬ್ ಶೆಟ್ಟಿ: ಬಚ್ಚನ್ ಮೆಚ್ಚುಗೆ

ಕಾಂತಾರ ಅಧ್ಯಾಯ–1 ಚಿತ್ರ ಯಶಸ್ಸಿನ ಬೆನ್ನಲ್ಲೇ ರಿಷಬ್ ಶೆಟ್ಟಿ ಅವರು ಅಮಿತಾಬ್ ಬಚ್ಚನ್ ಅವರು ನಡೆಸಿಕೊಡುವ 'ಕೌನ್ ಬನೇಗಾ ಕರೋಡ್‌ಪತಿ' ಹಿಂದಿ ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಭಾಗವಹಿಸಿದ್ದರು. ಆ ವೇಳೆ ರಿಷಬ್ ಅವರು ರಜನಿಕಾಂತ್ ಅವರ ಐಕಾನಿಕ್ ನಡಿಗೆಯನ್ನು ಅನುಕರಿಸಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ಮಾತನಾಡಿದ ರಿಷಬ್ ಶೆಟ್ಟಿ, ನಾವು ರಜನಿಕಾಂತ್ ಅವರ ಅಭಿಮಾನಿ ಅವರ ಸಿನಿಮಾಗಳನ್ನು ನೋಡಿ ಬೆಳೆದವರು ಎಂದಿದ್ದಾರೆ.

ಇದೇ ವೇಳೆ ಪ್ರೇಕ್ಷಕರೊಬ್ಬರು ರಿಷಬ್ ಅವರಿಗೆ ಕೇಳಿದಂತೆ ರಜನಿಕಾಂತ್ ನಡಿಗೆ ಹಾಗೂ ನಟ ಮೋಹನ್​ಲಾಲ್ ಅವರ ‘ನರಸಿಂಹಂ’ ಸಿನಿಮಾದ ಡೈಲಾಗ್ ಅನುಕರಣೆ ಮಾಡಿರುವುದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.