‘ಸಿತಾರೆ ಜಮೀನ್‌ ಪರ್’ಗೆ ಸಿಕ್ತು CBFC ಅನುಮತಿ: ಜೂನ್ 20ಕ್ಕೆ ಸಿನಿಮಾ ತೆರೆಗೆ
Published 17 ಜೂನ್ 2025, 10:07 IST
ಸಿತಾರೆ ಜಮೀನ್‌ ಪರ್ ಸಿನಿಮಾ
ಮುಂಬೈ: ಬಾಲಿವುಡ್‌ನಲ್ಲಿ 2007ರಲ್ಲಿ ಹೊಸ ಅಲೆ ಮೂಡಿಸಿದ್ದ ಅಮೀರ್ ಖಾನ್‌ ನಟನೆಯ ತಾರೇ ಜಮೀನ್‌ ಪರ್ ಚಿತ್ರದ ಸೀಕ್ವೆಲ್‌ ‘ಸಿತಾರೆ ಜಮೀನ್‌ ಪರ್’ ಚಿತ್ರವು ತೆರೆಗೆ ಬರಲು ಸಜ್ಜಾಗಿದೆ.
ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿಯಿಂದ (ಸಿಬಿಎಫ್‌ಸಿ) ಅನುಮತಿ ಪತ್ರ ಪಡೆದಿರುವ ಚಿತ್ರ ತಂಡ ಜೂನ್ 20ಕ್ಕೆ ಚಿತ್ರಮಂದಿರಗಳಲ್ಲಿ ಸಿನಿಮಾವನ್ನು ಬಿಡುಗಡೆ ಮಾಡುತ್ತಿದೆ.
ಅಮೀರ್ ಖಾನ್‌ ಬ್ಯಾನರ್‌ ಅಡಿಯಲ್ಲಿ ಚಿತ್ರ ನಿರ್ಮಾಣ ಮಾಡಲಾಗಿದ್ದು, ಅಮೀರ್ ಖಾನ್‌ ಮತ್ತು ಜೆನಿಲಿಯಾ ದೇಶ್‌ಮುಖ್‌ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದಲ್ಲಿ 10 ಮಂದಿ ಹೊಸಬರನ್ನು ಪರಿಚಯಿಸಲಾಗುತ್ತಿದೆ ಎಂದು ಹೇಳಲಾಗಿದೆ.
ಆರ್‌.ಎಸ್‌ ಪ್ರಸನ್ನ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಈಗಾಗಲೇ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿದ್ದು, ವೀಕ್ಷಕರ ಮನ ಗೆದ್ದಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.