‘ಕನಸಲ್ಲಿ ನಡೆವ ಗೀತೆ...’

‘ವ್ಹೀಲ್‌ ಚೇರ್‌ ರೋಮಿಯೋ’ ಚಿತ್ರದ ಲಿರಿಕಲ್‌ ಹಾಡು ಇತ್ತೀಚೆಗೆ ಬಿಡುಗಡೆ ಆಗಿದೆ. ಝಂಕಾರ್‌ ಮ್ಯೂಸಿಕ್‌ ಸಂಸ್ಥೆ ಈ ಹಾಡನ್ನು ಹೊರ ತಂದಿದೆ. ಬಿಡುಗಡೆಯಾದ ನಾಲ್ಕು ದಿನಗಳಲ್ಲೇ ಸುಮಾರು 6 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಜಯಂತ ಕಾಯ್ಕಿಣಿ ಅವರು ಸಾಹಿತ್ಯ ಬರೆದಿದ್ದಾರೆ, ‘ಕನಸಲ್ಲಿ ನಾ ನಡೆವೆ’ ಎಂಬ ಹಾಡನ್ನು ಸಂಜಿತ್‌ ಹೆಗ್ಡೆ ಹಾಡಿದ್ದಾರೆ. ಬಿ.ಜೆ. ಭರತ್‌ ಅವರ ಸಂಗೀತ ಇದೆ.

ಕಾಲು ಕಳೆದುಕೊಂಡ ಹುಡುಗ, ಕಣ್ಣಿಲ್ಲದ ಹುಡುಗಿಯ ನಡುವಿನ ಪ್ರೇಮಕಥೆಯೇ ‘ವ್ಹೀಲ್‌ ಚೇರ್‌ ರೋಮಿಯೋ’.

ಬೆಂಗಳೂರು, ಮುಂಬೈ ಮುಂತಾದ ಕಡೆ ಚಿತ್ರೀಕರಣ ನಡೆದಿದೆ. ಚಿತ್ರ ತೆರೆಗೆ ಬರಲು ಸಿದ್ಧವಾಗಿದೆ. ಜಿ.ನಟರಾಜ್ ಕಥೆ, ಚಿತ್ರಕಥೆ ಬರೆದು ನಿರ್ದೇಶಿಸಿರುವ ಈ ಚಿತ್ರಕ್ಕೆ ಗುರು ಕಶ್ಯಪ್ ಸಂಭಾಷಣೆ ಬರೆದಿದ್ದಾರೆ. ಅಗಸ್ತ್ಯ ಕ್ರಿಯೇಷನ್ಸ್ ಮೂಲಕ ಟಿ.ವೆಂಕಟಾಚಲಯ್ಯ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ರಾಮ್ ಚೇತನ್ ಅವರು ಈ ಚಿತ್ರದ ನಾಯಕ, ಮಯೂರಿ ನಾಯಕಿಯಾಗಿ ಬಣ್ಣಹಚ್ಚಿದ್ದಾರೆ.