ಉರಿ ಚಿತ್ರದ ಶೂಟಿಂಗ್ ಸೆಟ್‌ನಲ್ಲಿಯೇ ಶುರುವಾಗಿತ್ತು ಯಾಮಿ-ಆದಿತ್ಯ ಪ್ರೇಮ್‌ ಕಹಾನಿ
ಬೆಂಗಳೂರು: ನಟಿ ಯಾಮಿ ಗೌತಮ್, ಉರಿ ಚಿತ್ರದ ನಿರ್ದೇಶಕ ಆದಿತ್ಯ ಧಾರ್ ಜತೆಗೆ ಮದುವೆಯಾಗಿದ್ದಾರೆ. ಈ ವಿಚಾರವನ್ನು ಅವರು ಇನ್‌ಸ್ಟಾಗ್ರಾಂ ಖಾತೆಯ ಮೂಲಕ ಬಹಿರಂಗಪಡಿಸಿದ್ದಾರೆ.
ಯಾಮಿ ಮತ್ತು ಆದಿತ್ಯ ಧಾರ್ ಮದುವೆ ಬಾಲಿವುಡ್ ಮಂದಿಗೆ ಅಚ್ಚರಿ ಉಂಟುಮಾಡಿದೆ. ಇವರಿಬ್ಬರ ನಡುವಣ ಪ್ರೇಮ ಕಥೆ ಅಲ್ಲಿನವರಿಗೆ ತಿಳಿದೇ ಇರಲಿಲ್ಲವಂತೆ..
ಯಾಮಿ ಮತ್ತು ಆದಿತ್ಯ ಆಪ್ತ ಗೆಳೆಯರಿಗೂ ಮದುವೆ ಸಂಗತಿ ಗೊತ್ತೇ ಇರಲಿಲ್ಲ ಎನ್ನಲಾಗಿದೆ. ಇಬ್ಬರೂ ಕಳೆದ ಮೂರು ವರ್ಷಗಳಿಂದ ಡೇಟಿಂಗ್ ಮಾಡುತ್ತಿದ್ದರು ಎಂದು ವರದಿಗಳು ಹೇಳಿವೆ.
2019ರಲ್ಲಿ ತೆರೆಕಂಡ ಉರಿ ಚಿತ್ರದ ನಿರ್ದೇಶಕರಾಗಿರುವ ಆದಿತ್ಯ ಧಾರ್ ಜತೆಗೆ ನಟಿ ಯಾಮಿ ಗೌತಮ್ ಮದುವೆಯಾಗಿದ್ದು, ಉರಿ ಚಿತ್ರದ ಶೂಟಿಂಗ್ ಆರಂಭವಾದ ಮೊದಲ ದಿನದಿಂದಲೇ ಇಬ್ಬರೂ ಆಪ್ತರಾಗಿದ್ದರು. ಈ ಕುರಿತು ಯಾಮಿ ಮತ್ತು ಆದಿತ್ಯ ಬಹಿರಂಗಪಡಿಸಿಲ್ಲವಾದರೂ, ಇಬ್ಬರನ್ನೂ ಹತ್ತಿರದಿಂದ ಬಲ್ಲವರು ಆದಿತ್ಯ ಮತ್ತು ಯಾಮಿ ನಡುವೆ ಬಂಧನವಿತ್ತು. ಆದರೆ ಎಲ್ಲಿಯೂ ಅವರು ತೋರ್ಪಡಿಸಿಕೊಳ್ಳುತ್ತಿರಲಿಲ್ಲ ಎಂದಿದ್ದಾರೆ.
ಸೇನಾ ಕಾರ್ಯಾಚರಣೆ ಕುರಿತಾದ ಕಥೆ ಹೊಂದಿದ್ದ ಉರಿ ಚಿತ್ರದಲ್ಲಿ ವಿಕ್ಕಿ ಕೌಶಲ್ ನಾಯಕ ನಟನಾಗಿ ಕಾಣಿಸಿಕೊಂಡಿದ್ದರು. ಆದಿತ್ಯ ಧಾರ್ ನಿರ್ದೇಶನದ ದಿ ಇಮ್ಮೋರ್ಟಲ್ ಅಶ್ವಥಾಮ ಚಿತ್ರದಲ್ಲಿ ಕೂಡ ವಿಕ್ಕಿ ಕೌಶಲ್ ನಾಯಕನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.