ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್​​ ವೇದಿಕೆಗೆ ಎಂಟ್ರಿ ಕೊಟ್ರು ಕಿರುತೆರೆ ಕಲಾವಿದರು

ಜೀ ಕನ್ನಡ ವಾಹಿನಿಯಲ್ಲಿ ಇದೇ ನ.15ರಿಂದ ಶನಿವಾರ ಹಾಗೂ ಭಾನುವಾರ ‘ಡ್ಯಾನ್ಸ್​ ಕರ್ನಾಟಕ ಡ್ಯಾನ್ಸ್’ ಕಾರ್ಯಕ್ರಮಕ್ಕೆ ಚಾಲನೆ ಸಿಗಲಿದೆ. ಕಳೆದ ಸೀಸನ್‌ನಂತೆ ಈ ಬಾರಿಯೂ ಕೂಡ ಕಿರುತೆರೆಯ ಕಲಾವಿದರು ಡ್ಯಾನ್ಸ್​ ಕರ್ನಾಟಕ ಡ್ಯಾನ್ಸ್ ವೇದಿಕೆಗೆ ಎಂಟ್ರಿ ಕೊಟ್ಟಿದ್ದಾರೆ.

ಜೀ ಕನ್ನಡ ವಾಹಿನಿ ಹಂಚಿಕೊಂಡ ಪ್ರೋಮೊದಲ್ಲಿ ಲಕ್ಷ್ಮೀ ನಿವಾಸ, ಅಣ್ಣಯ್ಯ, ಶ್ರಾವಣಿ ಸುಬ್ರಹ್ಮಣ್ಯ, ಗಟ್ಟಿಮೇಳ, ಕರಿಮಣಿ, ಕರ್ಣ ಸೇರಿದಂತೆ ಧಾರಾವಾಹಿಯಲ್ಲಿ ನಟಿಸುತ್ತಿರುವ ಕಲಾವಿದರು ಡ್ಯಾನ್ಸ್​ ಕರ್ನಾಟಕ ಡ್ಯಾನ್ಸ್ ವೇದಿಕೆಗೆ ಬಂದಿರುವುದನ್ನು ಕಾಣಬಹುದು.

ಈ ಬಾರಿಯ ಡ್ಯಾನ್ಸ್​ ಕರ್ನಾಟಕ ಡ್ಯಾನ್ಸ್ ಶೋಗೆ ಶ್ರಾವಣಿ ಸುಬ್ರಹ್ಮಣ್ಯ ಖ್ಯಾತಿಯ ಅಮೋಘ್ ಆದಿತ್ಯ​, ಕರಿಮಣಿ ಖ್ಯಾತಿಯ ಅಶ್ವಿನ್​, ಬಿಗ್‌ಬಾಸ್​ ಖ್ಯಾತಿಯ ನಂದಿನಿ, ಕರ್ಣ ಭವ್ಯಾ ಗೌಡ, ಅಣ್ಣಯ್ಯ ಖ್ಯಾತಿಯ ಪ್ರತೀಕ್ಷಾ, ಬ್ರಹ್ಮಗಂಟು ಖ್ಯಾತಿಯ ಆರತಿ, ಲಕ್ಷ್ಮೀ ನಿವಾಸ ಖ್ಯಾತಿಯ ಧನಂಜಯ್​, ಮಹಾನಟಿ ಖ್ಯಾತಿಯ ಪೂಜಾ ರಮೇಶ್​, ಸ್ಮೈಲ್​ ಗುರು ರಕ್ಷಿತ್​, ಅನನ್ಯ ಅಮರ್​, ಬಾಲ ಪ್ರತಿಭೆ ಅನುಪ್​, ಗಿಚ್ಚಿ ಗಿಲಿಗಿಲಿ ಖ್ಯಾತಿಯ ಜಗ್ಗಪ್ಪ ​ಎಂಟ್ರಿ ಕೊಟ್ಟಿದ್ದಾರೆ.

‌ಈ ಕಲಾವಿದರ ಜೊತೆಗೆ ನಾನಾ ಭಾಗಗಳಿಂದ ಆಯ್ಕೆ ಮಾಡಿದ ಪ್ರತಿಭೆಗಳನ್ನು ಜೋಡಿ ಮಾಡಲಾಗುತ್ತದೆ. ಈಗಾಗಲೇ ಸಾಮಾಜಿಕ ಮಾಧ್ಯಮದಲ್ಲಿ ಜೀ ಕನ್ನಡ ಹಂಚಿಕೊಂಡ ಪ್ರೋಮೊಗಳು ಸದ್ದು ಮಾಡುತ್ತಿದ್ದು, ಯಾವ ಸ್ಪರ್ಧಿ ತಮ್ಮ ಡ್ಯಾನ್ಸ್ ಮೂಲಕ​ ತೀರ್ಪುಗಾರರ ಮನಸ್ಸು ಗೆಲ್ಲುತ್ತಾರೆ ಎಂದು ಕಾದು ನೋಡಬೇಕಿದೆ. ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಶೋನಲ್ಲಿ ಶಿವರಾಜ್ ಕುಮಾರ್, ವಿಜಯ ರಾಘವೇಂದ್ರ, ಅರ್ಜುನ್ ಜನ್ಯ ಇವರೊಂದಿಗೆ ರಚಿತಾ ರಾಮ್ ಕೂಡ ತೀರ್ಪುಗಾರರಾಗಿ ಇರಲಿದ್ದಾರೆ. ಇದೇ ನವೆಂಬರ್‌ 15ರಿಂದ ಶನಿವಾರ ಹಾಗೂ ಭಾನುವಾರ ಸಂಜೆ 7:30 ಡ್ಯಾನ್ಸ್​ ಕರ್ನಾಟಕ ಡ್ಯಾನ್ಸ್ ಪ್ರಾರಂಭವಾಗುತ್ತಿದೆ.