ಸೇಕ್ರೆಡ್‌ ಗೇಮ್ಸ್‌ ಸೋರಿಕೆ!

ಜನಪ್ರಿಯ ವೆಬ್‌ ಸರಣಿ ಸೇಕ್ರೆಡ್ ಗೇಮ್ಸ್‌ನ ಎರಡನೆಯ ಆವೃತ್ತಿಯು ‘ಟೆಲಿಗ್ರಾಮ್‌’ ಮೂಲಕ ಸೋರಿಕೆ ಆಗಿದೆ. ವಾಟ್ಸ್‌ಆ್ಯಪ್‌ನಂತೆಯೇ, ಚ್ಯಾಟಿಂಗ್‌ಗೆ ಬಳಕೆ ಮಾಡುವ ಟೆಲಿಗ್ರಾಮ್‌ ಆ್ಯಪ್‌ನಲ್ಲಿ ಸಕ್ರಿಯವಾಗಿರುವ ತಮಿಳ್‌ ರಾಕರ್ಸ್‌ ಗುಂಪು ಸೇರಿದಂತೆ ಕೆಲವು ಕಡೆ ‘ಸೇಕ್ರೆಡ್ ಗೇಮ್ಸ್‌–2’ ಸೋರಿಕೆ ಆಗಿದೆ.

ಈ ವೆಬ್‌ ಸಿರೀಸ್‌ ನೆಟ್‌ಫ್ಲಿಕ್ಸ್‌ ಮೂಲಕ ಪ್ರಸಾರವಾದ ಒಂದೇ ದಿನದಲ್ಲಿ ಅದನ್ನು ತಮಿಳ್‌ ರಾಕರ್ಸ್‌ ಮೂಲಕ ಸೋರಿಕೆ ಮಾಡಲಾಗಿದೆ. ಇದರಿಂದಾಗಿ, ನೆಟ್‌ಫ್ಲಿಕ್ಸ್‌ ಕಂಪನಿ ನಷ್ಟ ಅನುಭವಿಸಬೇಕಾಗಿದೆ. ಈ ವೆಬ್‌ ಸರಣಿಗಾಗಿ ನೆಟ್‌ಫ್ಲಿಕ್ಸ್‌ ಕಂಪನಿ ₹ 100 ಕೋಟಿ ಹೂಡಿಕೆ ಮಾಡಿದ್ದು, ಇದು ಈ ಕಂಪನಿಯು ಭಾರತದಲ್ಲಿ ಇದುವರೆಗೆ ಮಾಡಿರುವ ಅತಿದೊಡ್ಡ ಹೂಡಿಕೆ ಎಂದು ವರದಿಯಾಗಿದೆ.