ಝೀ ಬಳಗದಿಂದ ಯುವಜನರಿಗಾಗಿ ಹೊಸ ಕನ್ನಡ ಚಾನೆಲ್ - 'ಝೀ ಪವರ್'

ಬೆಂಗಳೂರು: ಎರಡು ಹೊಸ ಚಾನೆಲ್‌ಗಳನ್ನು ಆರಂಭಿಸುವುದಾಗಿ ಝೀ ಬಳಗ ತಿಳಿಸಿದೆ. 'Z What's Next' ಮೂಲಕ 'ಝೀ ಪವರ್' ಮತ್ತು 'ಝೀ ಸೋನಾರ್ ಬಾಂಗ್ಲಾ' ಎನ್ನುವ ಎರಡು ಚಾನೆಲ್‌ಗಳು ಶೀಘ್ರವೇ ಆರಂಭವಾಗಲಿದೆ ಎಂದು ಅದು ಪ್ರಕಟಣೆಯಲ್ಲಿ ತಿಳಿಸಿದೆ.

ಝೀ ಪವರ್ ಕರ್ನಾಟಕದ ಯುವ ಪೀಳಿಗೆಯ ಪ್ರೇಕ್ಷಕರಿಗಾಗಿ ವಿನ್ಯಾಸಗೊಳಿಸಲಾದ ಹೈಬ್ರಿಡ್ ಚಾನೆಲ್ ಆಗಿದೆ. ಆಗಸ್ಟ್‌ನಲ್ಲಿ ಈ ಚಾನೆಲ್‌ಗೆ ಅಧಿಕೃತ ಚಾಲನೆ ದೊರಕಲಿದೆ. ಆರಂಭದಲ್ಲಿ 5 ಧಾರಾವಾಹಿಗಳು, 1ದೈನಂದಿನ ರಿಯಾಲಿಟಿ ಶೋ, ಸಿನೆಮಾ ಪ್ರಸಾರ ನಡೆಯಲಿದೆ.

ಝೀ ಸಂಸ್ಥೆಯು 208 ಮಿಲಿಯನ್ ಮನೆಗಳ ಮೂಲಕ 854 ಮಿಲಿಯನ್ ವೀಕ್ಷಕರನ್ನು ತಲುಪಿದೆ.