ಯುವಕರೇ ಧೂಮಪಾನಕ್ಕೆ ವ್ಯಸನಿಗಳಾಗಿದ್ದೀರಾ: ಹೊರಬರಲು ಮಾರ್ಗೋಪಾಯವೇನು?

ವ್ಯಸನವೆಂಬುದು ತಾನಗಿಯೇ ಬರುವುದಲ್ಲ, ನಾವಾಗಿಯೇ ರೂಢಿಸಿಕೊಳ್ಳುವುದು ಎಂದು ಮನೋವಿಜ್ಞಾನ ಹೇಳುತ್ತದೆ. ಇಂದು ಧೂಮಪಾನ ಯುವಕರಲ್ಲಿ ಪ್ರಬಲ ವ್ಯಸನವಾಗಿ ಬದಲಾಗುತ್ತಿದೆ. ಈ ವ್ಯಸನದಿಂದ ಹೊರಬರಲು ಈ ತಂತ್ರಗಳನ್ನು ಪಾಲಿಸಬಹುದು ಎಂದು ಮನೋವಿಜ್ಞಾನ ಹೇಳುತ್ತದೆ. 

ಧೂಮಪಾನ ಮಾಡುವುದರಿಂದ ಒತ್ತಡ ಕಡಿಮೆಯಾಗುತ್ತದೆ ಹಾಗೂ ಮನಸ್ಸು ಹಗುರವಾಗುತ್ತದೆ ಎಂದು ಹೇಳಿದರೂ, ಇದು ಹೊಸ ಒತ್ತಡಕ್ಕೆ ಕಾರಣವಾಗುತ್ತದೆ ಎಂದು ಮನೋವಿಜ್ಞಾನ ಹೇಳುತ್ತದೆ. 

ಧೂಮಪಾನ ವ್ಯಸನಕ್ಕೆ ಕಾರಣವೇನು? 

• ಒತ್ತಡ ನಿವಾರಕ ಎಂಬ ತಪ್ಪಾದ ಭಾವನೆ: ನಿಕೋಟಿನ್‌ ಒತ್ತಡವನ್ನು ಕೆಲವು ನಿಮಿಷಗಳ ವರೆಗೆ ಮಾತ್ರ ಕಡಿಮೆ ಮಾಡಬಹುದು. ಶಾಶ್ವತ ಪರಿಹಾರವಲ್ಲ. 

• ಸಾಮಾಜಿಕ ಪ್ರಭಾವ: ಗೆಳೆಯರ ಗುಂಪಿನ ಒತ್ತಾಯ ಅಥವಾ ಸಮಾಜದಲ್ಲಿ ವಿಭಿನ್ನವಾಗಿ ಕಾಣಬೇಕೆಂಬ ಬಯಕೆ ಕಾರಣವಾಗಬಹುದು. 

ಧೂಮಪಾನ ವ್ಯಸನದಿಂದ ಹೊರಬರುವ ಪ್ರಾಯೋಗಿಕ ಮಾರ್ಗಗಳು: 

• ಸ್ವ-ಅರಿವು: ಧೂಮಪಾನ ಮಾಡಲು ಕಾರಣವೇನು, ಎಂಬುದನ್ನು ಮೊದಲು ಪತ್ತೆ ಮಾಡಿ. ಅದನ್ನು ಒಂದು ಲೇಖನ ರೂ‍ಪದಲ್ಲಿ ಬರೆದಿಡಿ.  

• ಮನಸ್ಸಿನ ಮಾತನ್ನು ನಿರ್ಲಕ್ಷ್ಯಿಸಿ : ಅಂದರೆ ಧೂಮಪಾನ ಮಾಡಬೇಕು ಎಂದು ಮನಸ್ಸು ಹೇಳಿದ ತಕ್ಷಣ ಧೂಮಪಾನ ಮಾಡದೆ ತಡವಾಗಿಸಿ. ಅಥವಾ ನೆನಪಾದಾಗ ಬೇರೆ ಕಡೆಗೆ ನಿಮ್ಮ ಗಮನ ಹರಿಸಿ. 

• ಹಂತ ಹಂತವಾಗಿ ಕಡಿಮೆ ಮಾಡಿ: ಒಂದೇ ಭಾರಿಗೆ ಧೂಮಪಾನ ಬೀಡಲು ಸಾಧ್ಯವಿಲ್ಲ. ಹಂತ ಹಂತವಾಗಿ ಕಡಿಮೆ ಮಾಡಿ.

• ಬೆಂಬಲ ಮುಖ್ಯ: ಕುಟುಂಬ ಹಾಗೂ ಸ್ನೇಹಿತರ ಜೊತೆ ತೆರೆದುಕೊಳ್ಳಿ. ಅವರಿಂದಲೂ ಸಲಹೆ ಪಡೆಯಿರಿ. ಇದರ ಜೊತೆಗೆ ಮದ್ಯವರ್ಜನ ಶಿಬಿರಗಳ ಸಹಾಯ ಪಡೆಯಬಹುದು.

• ವೈದ್ಯಕೀಯ ಸಹಾಯ: ವೈದ್ಯರಿಂದ ಅಗತ್ಯ ಔಷಧಿ ಹಾಗೂ ಸಲಹೆ ಪಡೆಯುವುದು. 

• ವೈಯಕ್ತಿಕ ಬದಲಾವಣೆಗಳು: ವ್ಯಾಯಾಮ, ಆರೋಗ್ಯಕರ ಆಹಾರ, ಹೊಸ ಹವ್ಯಾಸಗಳನ್ನು ಬೆಳೆಸಿಕೊಳ್ಳುವುದು.