Ahmedabad plane crash | 162 ಮೃತರ ಗುರುತು ಪತ್ತೆ: 120 ಮೃತದೇಹಗಳ ಹಸ್ತಾಂತರ
162 ಮೃತರ ಗುರುತು ಪತ್ತೆ। ಬುಧವಾರ ಡಿಎನ್‌ಎ ಹೊಂದಿಕೆ ಪ್ರಕ್ರಿಯೆ ಪೂರ್ಣ
Published 17 ಜೂನ್ 2025, 15:41 IST
ದುರಂತದಲ್ಲಿ ಮೃತಪಟ್ಟ ಆಕಾಶ್‌ ಪಾಟ್ನಿ ಅವರ ಮೃತದೇಹ ಹಸ್ತಾಂತರ ಸಂದರ್ಭದಲ್ಲಿ ಕುಟುಂಬಸ್ಥರು ದುಃಖಿಸಿದರು –ಪಿಟಿಐ ಚಿತ್ರ
ಅಹಮದಾಬಾದ್‌: ಏರ್‌ಇಂಡಿಯಾ ವಿಮಾನ ದುರಂತದಲ್ಲಿ ಮೃತಪಟ್ಟ 270 ಜನರ ಪೈಕಿ, ಈವರೆಗೆ 162 ಸಂತ್ರಸ್ತರ ಗುರುತನ್ನು ಡಿಎನ್‌ಎ ಪರೀಕ್ಷೆ ಮೂಲಕ ಪತ್ತೆ ಮಾಡಲಾಗಿದೆ. ಈ ಪೈಕಿ 120 ಮಂದಿಯ ಮೃತದೇಹವನ್ನು ಕುಟುಂಬಸ್ಥರಿಗೆ ಹಸ್ತಾಂತರಿಸಲಾಗಿದೆ ಎಂದು ಗುಜರಾತ್‌ನ ಗೃಹ ಸಚಿವ ಹರ್ಷ ಸಂಘ್ವಿ ಅವರು ಮಂಗಳವಾರ ತಿಳಿಸಿದರು.
ಮೃತರ ಡಿಎನ್‌ಎ ಹೊಂದಿಕೆ ಪ್ರಕ್ರಿಯೆಯು ಬುಧವಾರ ಬೆಳಿಗ್ಗೆ ವೇಳೆಗೆ ಪೂರ್ಣಗೊಳ್ಳಲಿದೆ ಎಂದು ವೈದ್ಯಕೀಯ ಸೂಪರಿಂಟೆಂಡೆಂಟ್ ರಾಕೇಶ್‌ ಜೋಶಿ ಅವರು ತಿಳಿಸಿದರು.
ಗುರುತು ಪತ್ತೆಗಾಗಿ 250 ಮೃತದೇಹಗಳ ಮಾದರಿಯನ್ನು ಪಡೆಯಲಾಗಿದೆ. ಮೃತದೇಹಗಳು ಗುರುತು ಸಿಗದಷ್ಟು ಸುಟ್ಟು ಕರಕಲಾಗಿರುವ ಕಾರಣ ಡಿಎನ್‌ಎ ಹೊಂದಿಕೆ ಪ್ರಕ್ರಿಯೆಯು ಕ್ಲಷ್ಟಕರವಾಗಿದೆ ಎಂದು ರಾಜ್ಯ ಸರ್ಕಾರ ತಿಳಿಸಿತ್ತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.