ಕೊರೊನಾ ಸೋಂಕಿತ ಕಾಂಗ್ರೆಸ್ ಶಾಸಕ ಗುಜರಾತ್ ಸಿಎಂ ಸಭೆಯಲ್ಲಿ ಭಾಗಿ
ಅಹಮದಾಬಾದ್‌: ಗುಜರಾತ್ ಮುಖ್ಯಮಂತ್ರಿ ವಿಜಯ್‌ ರೂಪಾನಿ ಅವರು ಮಂಗಳವಾರಏರ್ಪಡಿಸಿದ್ದ ಸಭೆಯಲ್ಲಿ ಭಾಗಿಯಾಗಿದ್ದ ಕಾಂಗ್ರೆಸ್ ಶಾಸಕ ಇಮ್ರಾನ್‌ ಖೇಡವಾಲ ಅವರಿಗೆ ಕೊರೊನಾ ಸೋಂಕು ಇರುವುದುದೃಢಪಟ್ಟಿದೆ.
ತಕ್ಷಣವೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಉಪ ಪೌರಾಯುಕ್ತ ಓಂ ಪ್ರಕಾಶ್‌ ತಿಳಿಸಿದ್ದಾರೆ. ಸಭೆಯಲ್ಲಿ ಇಮ್ರಾನ್‌ ಅಲ್ಲದೆ ಕಾಂಗ್ರೆಸ್‌ನ ಇತರ ಕೆಲವು ಶಾಸಕರೂ ಸಭೆಯಲ್ಲಿ ಪಾಲ್ಗೊಂಡಿದ್ದರು.
ಇಮ್ರಾನ್‌ ಖೇಡವಾಲ ಜೊತೆಗೆ ಅಹಮ್ಮದಬಾದ್‌ ಮಹಾನಗರದ ಇಬ್ಬರು ಕಾಂಗ್ರೆಸ್ ಶಾಸಕರು ಭಾಗವಹಿಸಿದ್ದರು. ಇವರು ಇಮ್ರಾನ್‌ಗೆ ತೀರ ಹತ್ತಿರದಲ್ಲಿ ಇದ್ದರು ಎನ್ನಲಾಗಿದೆ. ಈ ಸಭೆಯಲ್ಲಿ ಉಪಮುಖ್ಯಮಂತ್ರಿ ನಿತಿನ್ ಪಟೇಲ್‌ ಹಾಗೂ ಪ್ರದೀಪ್‌ ಸಿಮಗ್‌ ಜಡೇಜಾ ಕೂಡ ಭಾಗವಹಿಸಿದ್ದರು.
ಈ ಘಟನೆ ಬಳಿಕ ಈ ಶಾಸಕರು ಪ್ರತಿನಿಧಿಸುವ ಕ್ಷೇತ್ರಗಳಲ್ಲಿ ತೀವ್ರ ಕಟ್ಟೆಚ್ಚರವಹಿಸುವಂತೆ ಮುಖ್ಯಮಂತ್ರಿ ರೂಪಾನಿ ಆರೋಗ್ಯ ಇಲಾಖೆ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ.
ಶಾಸಕ ಇಮ್ರಾನ್‌ ಸಭೆಯಲ್ಲಿ ಮುಖ್ಯಮಂತ್ರಿ ಅವರಿಂದ ಅಂತರ ಕಾಯ್ದುಕೊಂಡಿರುವ ಚಿತ್ರವನ್ನು ಗುಜರಾತ್ ಸರ್ಕಾರ ಬಿಡುಗಡೆ ಮಾಡಿದೆ. ಈ ಸಭೆಯ ಬಳಿಕ ಸೋಂಕು ದೃಢಪಟ್ಟಿರುವ ಶಾಸಕ ಗಾಂಧಿನಗರದಲ್ಲಿ ಸುದ್ದಿಗೋಷ್ಠಿ ನಡೆಸಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.