ಕೋವಿಡ್‌: ಬಿಹಾರದಲ್ಲಿ ಜೂನ್‌ 8ರವರೆಗೆ ಲಾಕ್‌ಡೌನ್‌ ವಿಸ್ತರಣೆ

ಪಟ್ನಾ: ಕೋವಿಡ್‌ ಕಾರಣದಿಂದ ಬಿಹಾರದಲ್ಲಿ ಜಾರಿಗೊಳಿಸಿರುವ ಲಾಕ್‌ಡೌನ್‌ ಅನ್ನು ಜೂನ್‌ 8ರವರೆಗೂ ರಾಜ್ಯಸರ್ಕಾರ ವಿಸ್ತರಿಸಿದೆ. ಮುಖ್ಯಮಂತ್ರಿ ನಿತೀಶ್‌ ಕುಮಾರ್ ಅಧ್ಯಕ್ಷತೆಯ ಉನ್ನತಾಧಿಕಾರ ಸಮಿತಿ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.

ಆದರೆ, ದಿನಬಳಕೆ ವಸ್ತಗಳು, ತರಕಾರಿ, ಡೇರಿ ಉತ್ಪನ್ನಗಳು, ಮಾಂಸ ಮಾರಾಟ ಚಟುವಟಿಕೆಗೆ ಬೆಳಿಗ್ಗೆ 6 ರಿಂದ ಮಧ್ಯಾಹ್ನ 2 ಗಂಟೆಯವರೆಗೂ ಅವಕಾಶ ಕಲ್ಪಿಸಲು ಸಭೆ ನಿರ್ಧರಿಸಿದೆ. ‘ವಹಿವಾಟು ವೇಳೆ ಜನರು ಮಾಸ್ಕ್‌ ಧರಿಸುವುದು, ಅಂತರ ಕಾಯ್ದುಕೊಳ್ಳುವ ನಿಯಮ ಪಾಲಿಸಬೇಕು’ ಎಂದು ಸಿ.ಎಂ ಟ್ವೀಟ್‌ ಮೂಲಕ ಕೋರಿದ್ದಾರೆ.