ಕೊರೊನಾವೈರಸ್ ಲಾಕ್ಡೌನ್: ಬೀದಿನಾಯಿಗಳಿಗೆ ಆಹಾರ ನೀಡುವ ವಿದ್ಯಾರ್ಥಿನಿಗೆ ಶ್ಲಾಘನೆ
ನವದೆಹಲಿ: ದೇಶದಾದ್ಯಂತ ಲಾಕ್ಡೌನ್ ಆಗಿರುವ ಹೊತ್ತಲ್ಲಿ ಜನರು ಪರಸ್ಪರ ಸಹಾಯ ಮಾಡುತ್ತಿರುವುದನ್ನು ನೋಡಿದ್ದೇವೆ. ಮನೆಯಿಂದ ಹೊರಗೆ ಹೋಗಲಾರದೆ ಚಡಪಡಿಸುವವರು ಒಂದೆಡೆಯಾದರೆ ಒಂದು ಹೊತ್ತು ಊಟಕ್ಕಾಗಿ ಕಷ್ಟಪಡುವ ಎಷ್ಟೋ ಮಂದಿ ನಮ್ಮ ನಡುವೆ ಇದ್ದಾರೆ. ಮನುಷ್ಯನಿಗೆ ಹಸಿವೆ ಆದರೆ ಹಸಿವಾಗುತ್ತಿದೆ ಎಂದು ಬಾಯ್ಬಿಟ್ಟು ಕೇಳಬಹುದು. ಆದರೆ ಪ್ರಾಣಿಗಳು? ಅವುಗಳಿಗೂ ಬದುಕಲು ಆಹಾರದ ಅಗತ್ಯವಿದೆ. ಈ ರೀತಿ ಪ್ರಾಣಿಗಳಿಗೆ ಆಹಾರ ನೀಡುತ್ತಿರುವವರ ಪೈಕಿ ದೆಹಲಿಯ ವಿಭಾ ತೋಮರ್ ಸುದ್ದಿಯಲ್ಲಿದ್ದಾರೆ.
ದೆಹಲಿಯ ವೆಟರ್ನಿಟಿ ವಿದ್ಯಾರ್ಥಿನಿ ವಿಭಾ ತೋಮರ್ ಲಾಕ್ಡೌನ್ ಹೊತ್ತಲ್ಲಿ ಬೀದಿ ನಾಯಿಗಳಿಗೆ ಅನ್ನ ಹಾಕುವ ಕೆಲಸ ಮಾಡುತ್ತಿದ್ದು,ಈಕೆಯ ಸೇವಾ ಮನೋಭಾವವನ್ನು ನೆಟ್ಟಿಗರು ಶ್ಲಾಘಿಸಿದ್ದಾರೆ.
ನನಗೆ ಬಾಲ್ಯದಿಂದಲೇ ಪ್ರಾಣಿಗಳೆಂದರೆ ಪ್ರೀತಿ, ಅವುಗಳಿಗೆ ಸಹಾಯ ಮಾಡುವುದು ನನ್ನ ಕರ್ತವ್ಯ ಎಂದು ಎಎನ್‌ಐ ಸುದ್ದಿ ಸಂಸ್ಥೆ ಜತೆ ಮಾತನಾಡಿದ ವಿಭಾ ಹೇಳಿದ್ದಾರೆ. ಲಾಕ್ಡೌನ್ ಹೊತ್ತಲ್ಲಿ ಜನರು ತುಂಬಾ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಈ ವೇಳೆ ರೆಸ್ಟೊರೆಂಟ್ ಅಥವಾ ಮನೆಯಿಂದ ಸ್ವಲ್ಪ ಅನ್ನವನ್ನು ತಂದ ಬೀದಿ ನಾಯಿಗಳಿಗೆ ನೀಡಿದರೆ ಉಪಕಾರವಾದೀತು.
ಕೊರೊನಾ ವೈರಸ್ ಹರಡುತ್ತಿರುವಾಗ ಜನರು ಮನೆಯೊಳಗಿರುತ್ತಾರೆ. ಆದರೆ ಪ್ರಾಣಿಗಳು ತುಂಬಾ ಕಷ್ಟ ಅನುಭವಿಸುತ್ತಿವೆ. ಮೊದಲು ಜನರು ಬಂದು ನಾಯಿಗಳಿಗೆ ಏನಾದರೂ ತಿನ್ನಲು ಕೊಡುತ್ತಿದ್ದರು. ಆದರೆ ಈಗ ಅವರೇ ಕಷ್ಚದಲ್ಲಿದ್ದಾರೆ. ಹಾಗಾಗಿ ನಾನೇ ಈ ಬೀದಿನಾಯಿಗಳಿಗೆ ಆಹಾರ ನೀಡುವ ಮೂಲಕ ನನ್ನ ಕೈಲಾದ ಸಹಾಯ ಮಾಡುತ್ತಿದ್ದೇನೆ ಎಂದು ವಿಭಾ ಹೇಳಿದ್ದಾರೆ .
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.