ತ್ರಿಪುರಾದಲ್ಲಿ ಭಾರತ–ಬಾಂಗ್ಲಾ ಗಡಿಗೆ ಮುಂದಿನ ವರ್ಷದಲ್ಲಿ ಸಂಪೂರ್ಣ ಬೇಲಿ

ಅಗರ್ತಲಾ, ತ್ರಿಪುರಾ: ಸೂಕ್ತ ಭದ್ರತೆಗಾಗಿ ಮುಂದಿನ ವರ್ಷದ ವೇಳೆಗೆ ತ್ರಿಪುರಾದಲ್ಲಿನ ಭಾರತ–ಬಾಂಗ್ಲಾದೇಶ ಗಡಿಗೆ ಸಂಪೂರ್ಣ ಬೇಲಿ ಹಾಕಲಾಗುವುದು ಎಂದು ಗಡಿ ಭದ್ರತಾ ಪಡೆಯ (ಬಿಎಸ್‌ಎಫ್‌) ಉನ್ನತಾಧಿಕಾರಿಯೊಬ್ಬರು ಶನಿವಾರ ಹೇಳಿದ್ದಾರೆ.

856 ಕಿ.ಮೀ.ಉದ್ದದ ಭಾರತ–ಬಾಂಗ್ಲಾದೇಶ ಗಡಿಗೆ ಈಗಾಗಲೇ ಶೇ 80–85 ರಷ್ಟು ಬೇಲಿ ಹಾಕಲಾಗಿದೆ ಎಂದು ಬಿಎಸ್‌ಎಫ್‌ನ ಇನ್‌ಸ್ಪಕ್ಟರ್‌ ಜನರಲ್‌ ಸುಶಾಂತ್‌ ಕುಮಾರ್‌ನಾಥ್‌ ಹೇಳಿದರು.

‘ಕಳೆದ ವರ್ಷ ತ್ರಿಪುರಾದ ಪೂರ್ವ ವಲಯದಲ್ಲಿ ಬೇಲಿ ಹಾಕುವ ಕಾರ್ಯವನ್ನು ಕೈಗೊಳ್ಳಲಾಗಿದ್ದು, ಆದ್ಯತೆಯ ಮೇರೆಗೆ 31 ಕಿ.ಮೀ. ಉದ್ದದ ಸುರಂಗ ಕೊರೆಯುವ ಕಾಮಗಾರಿ ಕೈಗೊಳ್ಳಲಾಗಿದೆ. ರಾಜ್ಯದ ಪಶ್ಚಿಮ ವಲಯದಲ್ಲಿ 10 ಕಿ.ಮೀ. ಏಕಸಾಲು ಬೇಲಿ ಹಾಕಲಾಗಿದೆ’ ಎಂದು ಅವರು ಸುದ್ದಿಗಾರರಿಗೆ ಹೇಳಿದರು.